بلغاریہ کے مفتیِ اعلیٰ مصطفےٰ آلش حاجی کی حمایت کرنے والے مسلمان باشندوں نے دارالحکومت صوفیہ میں ایک جلسہ منعقد کرتے ہوئے انصاف اور جمہورت کا مطالبہ کیا ہے۔

بلغاریہ کے مختلف علاقوں سے آکر دارالحکومت صوفیہ میں یکجا ہونے والے تین ہزار پانچ سو افراد نے صوفیہ کے مفتیِ اعلیٰ حاجی کی جگہ اختیارات سنبھالنے کے خواہاں خفیہ سروس کے سابق ایجنٹ ریٹایرڈ لیفٹینٹ کرنل ندیم گینج ایف کے خلاف مظاہرہ کیا ہے ۔

مفتیِ اعلیٰ حاجی نے اس شہر کی کی واحد مسجد میں نماز جمعہ کے بعد خطاب کرتے ہوئے اس شہر کی دوسری مسجد اور اسلامی انسٹیوٹیوٹ کی تعمیر کی راہ میں کھڑی کی جانے والی رکاوٹوں کے خلاف اپنے غم و غصے کا اظہار کیا۔

مفتیِ اعلیٰ کی حمایت میں مظاہرہ کرنے والے ہزراہا افراد نے پارلیمنٹ تک پیدل مارچ کرتے ہوئے ایک بل پیش کیا۔

اس موقع پر مسلمانوں کی سب سے بڑی سیاسی جماعت تحریک ِ حق و آزادی کے اراکین نے مفتی اعلیٰ اور ان کے حامیوں کے مطالبات کو ہمدردی سے سنا۔