ترک دفاعی کمپنی روکیٹسان نے سعودی دارالحکومت ریاض میں ہونے والے ورلڈ ڈیفنس شو 2026 میں پہلی مرتبہ اپنی نئی تیز رفتار، کثیر المقاصد گلائیڈ اسلحہ "ایرین" متعارف کروایا   ہے ۔

کمپنی نے 8 تا 12 فروری کی نمائش میں اپنی مصنوعات کا ایک وسیع مجموعہ پیش کیا، جن میں مِنی اسمارٹ گولے MAM‑C، MAM‑L اور MAM‑T فضا  سے زمین کی جانب بیلسٹک سپرسونک میزائل UAV‑230؛ مختصر فاصلے کا اینٹی ٹینک ہتھیار" قارا اوک"، چاکر کروز میزائل، فضائی دفاعی میزائل سسٹم Sungur فضائی دفاعی میزائل حصار-O اور طویل فاصلے کا  فضائی  و میزائل دفاعی نظام Siper شامل ہیں۔

روکیٹسان نے ساتھ ہی Bora، TRG‑230 اور TRG‑300 میزائلز کے علاوہ KMC ٹیکٹیکل میزائل لانچ سسٹم اور Burc موبائل فضائی دفاعی نظام بھی نمائش میں دکھائے۔

اس تیز رفتار گلائیڈ  اسلحے کو اس سال بڑے پیمانے پر پیداوار میں لائے جانے کی توقع ہے اور یہ ترک مسلح افواج اور ترکیہ کے دوست و اتحادی ممالک کی عملی ضروریات کو پورا کرنے کے لیے ڈیزائن کیا گیا ہے۔

ایرین نامی نظام کو ڈرون، ہیلی کاپٹرز، زمینی گاڑیوں،  دیگرزمینی نظام اور بحری پلیٹ فارمز سے فائر کیا جا سکتا ہے، یہ کم رفتار ہوائی اہداف کے علاوہ مسلح اور غیر  مسلح  زمینی اہداف کو بھی نشانہ بنانے کی صلاحیت رکھتا ہے۔

کمپنی کے مطابق اس اسلحے میں جدید رہنمائی کی صلاحیتیں موجود ہیں اور اس کا آپریشنل حد فاصلہ 100 کلومیٹر سے تجاوز کرتا ہے۔

روکیٹسان کے چیف ایگزیکٹو آفیسر Murat Ikinci نے کہا کہ ہم نے ایک کم لاگت والا ایسا گولہ بارود تیار کرنے کا ہدف رکھا جو ہوا سے زمین، زمین سے زمین اور زمین سے ہوا کے اہداف کا مقابلہ کر سکے۔

انہوں نے مزید کہا کہ ایرین نظام  ہمارے ڈرونز کی  ماہرانہ صلاحیت کو نمایاں طور پر بڑھائے  گا۔

انہوں نے مزید کہا کہ ڈرون  گاڑیوں، مسلح  پلیٹ فارمز، ڈرونز اور قریبی فضائی دفاعی نظاموں کے لیے انضمام کی کوششیں جاری ہیں اور مستقبل میں ممکنہ طور پر طیاروں پر بھی  ان کا انضمام کیا جا سکتا ہے۔