بھارت نے اپنی پہلی ہائیڈروجن سے چلنے والی ٹرین کا آغاز کر دیا

3 منٹ پڑھنے

اس آغاز کے ساتھ، بھارت ایسے ممالک میں شامل ہو گیا ہے جن میں جرمنی، جاپان، چین اورامریکہ شامل ہیں جو ہائیڈروجن سے چلنے والی ٹرینوں کا تجربہ کر رہے ہیں یا انہیں چلا رہے ہیں۔

بھارت نے اپنی پہلی ہائیڈروجن سے چلنے والی ٹرین کے سفر شروع کر دیے ہیں ، یہ ان چند ملکوں کے ان گروہوں میں شامل ہو گیا ہے جو ریلوے نقل و حمل کو کاربن سے پاک کرنے اور فوسل ایندھن پر انحصار کم کرنے کی کوششوں کے تحت اس ٹیکنالوجی کا تجربہ کر رہے ہیں۔

یہ منصوبہ دنیا کے سب سے بڑے ریل نیٹ ورکس میں سے ایک کو جدید بنانے اور کاربن کے اخراج کو کم کرنے کی ایک وسیع تر کوشش کا حصہ ہے۔

دس بوگیوں پر مشتمل ٹرین بھارت کے شمالی ریاست ہریانہ کے جنڈ اور سونپت کے درمیان 89 کلومیٹر (55 میل) طویل راستے پر چلتی ہے، اور یہ 1,200 کلو واٹ کے ہائیڈروجن فیول سیل پروپلشن سسٹم سے چلائی جاتی ہے۔

عہدیداروں نے اس نظام کو ٹرین کے لیے دنیا کا سب سے طاقتور سسٹم قرار دیا۔

ہائیڈروجن ٹرینیں فیول سیلز کا استعمال کر کے ہائیڈروجن اور آکسیجن کو ملا کر بجلی پیدا کرتی ہیں، اور صرف پانی اور بخارات خارج کرتی ہیں۔

وزیراعظم نریندرا مودی، جنہوں نے افتتاحی سفر کا پرچم لہرا کر آغاز کیا، نے سوشل میڈیا پوسٹ میں کہا: "یہ خودمختار بھارت اور پائیدار ترقی کی سمت میں ایک بہت اہم دن ہے۔"

وزارت ریلوےنے کہا ہے کہ یہ ٹرین 'مکمل طور پر بھارت میں تیار کی گئی' ہے، اگرچہ سینئر عہدیداروں نے رپورٹرز کو بتایا کہ فیول سیلز سمیت کچھ اہم اجزاء درآمد کیے گئے تھے۔

وزارت نے'ہائیڈروجن سے چلنے والی ٹرینوں کے آپریشنز 'کے لیے جنڈ میں ملک کے سب سے بڑی ریلوے ہائیڈروجن اسٹوریج اور ری فیولنگ تنصیب کہ جس کی گنجائش تقریباً 3,000 کلوگرام ہے، کا افتتاح بھی کیا۔

ایک سینئر ریلوے اہلکار کے مطابق اس پائلٹ منصوبے پر تقریباً 12 ملین ڈالر کی لاگت آئی ہے، جنہوں نے تسلیم کیا کہ یہ ایک مماثل روایتی سروس کے مقابلے میں نمایاں طور پر مہنگا تھا۔

تاہم، انہوں نے کہا کہ ٹیکنالوجی کے پختہ ہونے کے ساتھ لاگت میں کمی متوقع ہے۔

تجویز کردہ دورانیہ