کینیڈا چین کے درمیان دو طرفہ ٹیرف میں کمی کا فیصلہ

کینیڈا کے وزیر اعظم مارک کارنی نے جمعہ کو بیجنگ میں ملاقات کے بعد چین کے صدر شی جن پنگ کے ساتھ دونوں ممالک کی مصنوعات پر ٹیرف کم کرنے کے لیے ایک معاہدے کا اعلان کیا۔

،» کارنی نے چینی دارالحکومت میں ایک نیوز کانفرنس میں کہا کہ کینیڈا اور چین نے تجارتی رکاوٹیں ہٹانے اور ٹیرف کم کرنے کے لیے ایک عارضی مگر سنگِ میل نوعیت کے تجارتی معاہدے تک رسائی حاصل کر لی ہے۔

سال 2017کے بعد دورے کرنے والے پہلے کینیڈین وزیر اعظم ہونے کے ناطےکارنی نے مہینوں کی سفارتی کوششوں کے بعد اپنے ملک کے لیے امریکہ  کے بعد دوسرے سب سے بڑے تجارتی شراکت دار کے ساتھ تعلقات کو دوبارہ استوار کرنے کی کوشش کی۔

کینیڈا توقع کرتا ہے کہ یکم مارچ تک چین کینیڈا کے کینولا کے بیجوں پر ٹیرف کم کر دے گا۔   جس کی مجموعی شرح تقریباً 15 فیصد ہو گی ۔

کارنی نے کہا کہ کینیڈا نئے رعایتی ٹیرف نرخوں کے تحت 49,000 تک چینی الیکٹرک گاڑیاں درآمد کرنے کی اجازت دے گا۔