سارپ سرحدی چوکی  کا  دورہ کرنے والے وزیر بولات نے کہا کہ ملک کے شمال مشرقی کونے  پر واقع سارپ سرحدی چوکی  ایک نہایت اہم بین الاقوامی تجارتی، لاجسٹک اور نقل و حمل کا راستہ ہے۔

بولات نے 1988 میں کھولی گئی، 2008 میں تجدید اور 2019 میں توسیع  کردہ اس چوکی کے دورے کے دوران کہا  جارجیا،  ترکیہ کے لیے ایک قابلِ قدر ہمسایہ  ہے۔

بولات نے بتایا کہ ترکیہ اور جارجیا  کا باہمی  تجارتی حجم 3 ارب ڈالر ہے۔

انہوں نے مزید کہا کہ سارپ سرحدی چوکی  پورے ایشیائی ممالک کے لیے کھلنے والا ایک نہایت اہم عبوری راستہ ہے۔ ہم امید کرتے ہیں کہ روس-یوکرین جنگ ختم ہونے پر یہاں کا تجارتی حجم تیزی سے بڑھے گا اور کئی گنا ہوجائے گا۔

یہ ایک جدید سرحدی چوکی ہے  جہاں تجارت کے ریجنل ڈائریکٹر اور ان کی ٹیم تجارتی عمل کو تیز کرنے کے لیے ہفتے کے ساتوں دن، چوبیسوں گھنٹے دل و جان سے کام کر رہی ہے۔