ترک سائنسدان کی زیرِ قیادت چار نئے سیّاروں کی دریافت

ترک سائنس دان سلجوق یالچن قایا کی زیرِ قیادت ماہرینِ فلکیات کی ایک عالمی ٹیم  نے نظامِ شمسی سے باہر چار نئے  سیارے دریافت کیے ہیں۔

زمین سے 90 نوری سالوں کی مسافت پر واقع  ان سیّاروں میں سے ایک عالمِ نجوم کی  اندرونی سرحد  پر واقع ہے اور ممکنہ طور پر اپنی فضاء رکھتا ہے۔

نو دریافتشدہ ان سّاروں میں سے دو  چھوٹے اور ٹھنڈے ستارے TOI-5799 کے  مدار میں ہیں اور ایک  سیارہ TOI-1743 اور TOI-6223 کے گرد  گھومتا ہے۔

 مذکورہ سیاروں سے متعلقہ معلومات  AU Kreiken رصدگاہ اور ترکیہ قومی رصدگاہ کے ڈیٹا کی بنیاد پر حاصل کی گئی ہیں۔

یہ دریافتیں، یالچن قایا کے ڈاکٹریٹ کے تحقیقی مقالے بعنوان "ایم بونے سیارے"کا موضوع کا ایک حصّہ ہیں اور آسٹرونومی اینڈ آسٹروفزکس جریدے کے اکتوبر 2025 کے شمارے میں شائع ہوئے ہیں۔

اناطولیہ خبر ایجنسی کے لئے انٹرویو میں یالچن قایا نے کہا ہے کہ عالمی ٹیم کے  TESS خلائی دُور بین سے سیّاروں کے مشاہدات سے قبل  مذکورہ سیّاروں کی نشاندہی ،نظام شمسی سے باہر، سیّارے  کی حیثیت کے امیدواروں کے طور پر کی گئی تھی۔