اسرائیل، ایران کے ساتھ کم از کم ایک ماہ تک جنگ کے لیے تیار ہے

اسرائیلی فوج، ایران اور اس کے حامیوں کے ساتھ، کم از کم ایک مہینے تک جنگ جاری رکھنے کی تیاریاں کر رہی ہے۔

اسرائیلی روزنامے یدیعوت احرنوت نے اسرائیل چیف آف جنرل اسٹاف سے  ایک بااختیار شخصیت کے جاری کردہ بیانات کے حوالے سے کہا ہے کہ اسرائیل، ایران اور اس کے حامیوں کے ساتھ ایک مہینہ لمبی جنگ کا منظر نامہ تیار کر رہاہے۔

اہلکار نے کہا ہے کہ اسرائیل کی عسکری قیادت نے آنے والے دنوں کے حالات اور جھڑپوں میں پھیلاو کے احتمال کے مقابل مختلف محارب دستوں میں تیاری کے درجے کو بلند کر دیا ہے۔

انہوں نے مزید کہا  ہےکہ  عسکری تیاریاں  ،موجودہ جھڑپوں کے جاری رہنے یا اضافی محاذوں تک پھیلنے  کے احتمال کو مدّنظر رکھتے ہوئے فضائی دفاع کی مضبوطی، اضافی فوج کی تعیناتی اور طویل جنگ کے لئے حاضر حالت میں آنے کا احاطہ کرتی ہیں۔

یہ بیانات ایسے وقت میں سامنے آئے ہیں جب خطے میں بے مثال کشیدگی دیکھنے میں آ رہی ہے، اسرائیل اور ایران کے درمیان حملوں  کے تبادلے جاری ہیں اور متعدد محاذوں پر سکیورٹی تناو میں اضافہ ہو گیا ہے۔

مبصرین نے اسرائیلی فوج کی نسبتاً طویل جنگ کی تیاریوں کا حوالہ دے کر کہا ہے کہ یہ تیاریاں، موجودہ جھڑپوں  کے ایک بڑی  جنگ میں تبدیلی کے، اندیشوں کو تقویت دے رہی  ہیں۔