چند ہفتوں میں روس اور یوکرین کے درمیان جنگ بندی طے پا جائے گی: ٹرمپ

امریکہ کے  صدر ڈونلڈ ٹرمپ نے کہا ہے کہ یوکرین کے صدر وولودیمیر زیلنسکی سے ملاقات کے بعد روس۔یوکرین جنگ کے خاتمے کے سلسلے میں خاطر خواہ پیش رفت ہوئی  ہے۔

ٹرمپ نے بروز اتوار صحافیوں کے ساتھ بات چیت میں کہا ہے کہ "ملاقات میں ہم نے امن مرحلے کے 95 فیصد پر بات چیت کی اور شائد  دوسری جنگ عظیم کے بعد اس مہلک ترین روس۔یوکرین جنگ کے خاتمے میں بہت ترقی کی ہے۔ اگر سب کچھ ٹھیک چلتا رہا تو  شاید چند ہفتے میں جنگ بندی طے پا جائے گی لیکن اگر معاملات خراب ہوئے تو زیادہ وقت لگ سکتا ہے"۔

انہوں نے کہا ہے کہ جنگ بندی کوششوں میں ایک  دو 'بہت پیچیدہ مسائل' باقی ہیں۔ ان میں سے ایک مسئلہ جنگ کے دوران پہلے سے حاصل کی گئی زمین سے متعلق ہے۔

ٹرمپ نے  روس کے صدر ولادیمیر پوتن کے ساتھ، بعد از جنگ، یوکرین کی تعمیر نو پر بات کرنے کا بھی ذکر کیا اور کہا  ہےکہ ماسکو ، توانائی، بجلی اور دیگر چیزوں کی سستے نرخوں  پر فراہمی سمیت، مدد کرنے پر تیار ہے۔

ٹرمپ نے، تازہ امن منصوبے میں پیش رفت کے لیے یوکرین پارلیمنٹ سے خطاب کی پیشکش کا ذکر کیا اور کہا ہےکہ مجھے نہیں  یقین کہ یہ واقعی ضروری ہے یا نہیں لیکن اگر یہ ماہانہ 25,000 جانیں بچانے میں مدد کرےتو میں یقیناً ایسا کرنے کے لیے تیار ہوں"۔

زیلنسکی

زیلنسکی نے ٹرمپ اور یورپی رہنماؤں کے ساتھ بات چیت کے بعد کہا ہے کہ 'ہم نے،  زیرِ بحث تمام امور کو حتمی شکل دینے کی خاطر،آئندہ ہفتوں میں اپنے وفود کے درمیان  ملاقات  پر اتفاق کیا ہے"۔

زیلنسکی نے یہ بھی کہا ہے کہ ٹرمپ، جنوری میں واشنگٹن میں یوکرین اور دیگر یورپی رہنماؤں کی میزبانی کریں گے۔

ٹرمپ نے، تقریباً چار سالہ تنازعے کے خاتمے کے لیے امریکی منصوبے پر بات چیت کے لئے،  پالم بیچ فلوریڈا میں  اپنی رہائش گاہ مار-اے-لاگوپر زیلنسکی کی میزبانی کی۔زیلنسکی اتوار کو پڑوسی ملک کینیڈا کے دورے کے بعد امریکہ پہنچے تھے۔

دریں اثنا، بیرونی ممالک کے ساتھ سرمایہ کاری اور معاشی تعاون کے لئے روس کے صدر ولادیمیر پوتن کے نمائندہ خصوصی  'کرِل دمترییف' نے سوشل میڈیا ایکس سے جاری کردہ بیان میں  کہا  ہےکہ "پوری دنیا ٹرمپ اور ان کی ٹیم  کی امن کی کوششوں کو سراہتی ہے"۔