یوکرینی حکام  کے مطابق ، روس نے پیر کی صبح سویرے یوکرین کے کیف علاقے پر وسیع  پیمانے پر ڈراون اور میزائل حملے کیے، جس میں کم از کم 10 افراد ہلاک اور 61 زخمی ہو گئے۔

 کیف شہر کی فوجی انتظامیہ کے سربراہ تیمور تکاچنکو  نے ٹیلیگرام پر کہا کہ دارالحکومت میں نو افراد ہلاک اور 46 زخمی ہوئے، جہاں حملوں سے وسیع پیمانے پر نقصان ہوا۔

انہوں نے کہا کہ افسوس سے کہنا پڑتا ہے کہ" یہ حتمی معلومات نہیں ہیں، امدادی کارروائیاں تاحال جاری ہیں۔"

کیف کے گورنر مائیکولا کلاشنِک نے کہا کہ دارالحکومت کے گردونواح میں ایک شخص ہلاک اور 15 زخمی ہوگئے۔

کلاشنِک نے ٹیلیگرام پر لکھا"روس ایک بار پھر جان بوجھ کر شہریوں اور شہری انفراسٹرکچر کو نشانہ بنا رہا ہے۔"

کیف کے میئر ویٹالی کلیچکو نے کہا کہ ضلع دارنیتسکی میں میزائل کے ٹکڑے ایک 25 منزلہ  رہائشی  عمارت پر جا لگے، جس سے اوپری منزلوں میں رہائشی پھنس گئے۔ ریسکیو کارکنوں نے 22 افراد کو نکالا۔

زمینی، فضائی اور بحری راستوں سے طویل فاصلے کے ہتھیار استعمال کیے گئے۔

انہوں نے کہااسی ضلع میں ایک علیحدہ حملے نے ایک 30 منزلہ رہائشی عمارت کی اوپری منزلوں میں آگ بھڑکا دی، جس کے باعث انخلاء کیا گیا۔

انہوں نے مزید کہا کہپوڈلسکی ضلع میں ملبے نے جزوی طور پر ایک 21 منزلہ اپارٹمنٹ کی عمارت کو تباہ کیا، جبکہ اوبولونسکی ضلع میں آگ نے ایک گودام اور غیر رہائشی عمارت کو نقصان پہنچایا۔

دریں اثنا، روسی دفاعی وزارت نے کہا کہ اس کے افواج نے زمین، ہوا اور سمندر سے طویل فاصلے کے درست ہتھیاروں کے ساتھ ساتھ حملہ آور ڈرونز کا استعمال کرتے ہوئے بڑے پیمانے پر حملہ کیا، جو اس کے بقول روس میں شہری انفراسٹرکچر پر یوکرینی "دہشتگردانہ حملوں" کے جواب میں تھا۔

وزارت نے روسی ریاستی ملکیت والے سوشل میڈیا پلیٹ فارم میکس پر کہا کہ"یہ حملے فوجی صنعت کی تنصیبات ، کیف اور علاقے میں ایندھن اور توانائی کے کمپلیکس کی سہولتوں اور دنیپروپیتروفسک، پولتاوا، چرکاسی اور چرنیہیف علاقوں میں فوجی ہوائی اڈے کی انفراسٹرکچر کو نشانہ بنا کر پہنچے۔"

جاری جنگ کی وجہ سے ان دعوؤں کی آزادانہ تصدیق مشکل رہتی ہے۔