چینی خلا نوردوں کو زمین کو لوٹنے میں تاخیری کا سامنا
شینزو-20 مشن سے منسلک تین خلاباز اپریل میں تیانگونگ خلائی اسٹیشن پہنچے تھے اور اپنی چھ ماہ پر محیط ڈیوٹی پوری کر کے واپسی کی تیاری میں تھے۔
چینی خلابازوں کے ایک گروپ کو ان کی خلائی شٹل کو مبینہ طور پر ایک چھوٹے ملبے کے ٹکڑے سے نقصان پہنچنے کے باعث کرہ ارض کو لوٹنے میں تاخیر کا سامنا کرنا پڑ رہاہے۔
سرکاری نشریاتی ادارے سی سی ٹی وی کے مطابق بدھ کے روز متوقع ان کی واپسی، اب غیر معینہ مدت کے لیے ملتوی کر دی گئی ہے ، اس حوالے سے مزید تفصیلات فراہم نہیں کی گئیں۔
شینزو-20 مشن سے منسلک تین خلاباز اپریل میں تیانگونگ خلائی اسٹیشن پہنچے تھے اور اپنی چھ ماہ پر محیط ڈیوٹی پوری کر کے واپسی کی تیاری میں تھے۔
اس گروپ میں ٹیم لیڈر چن ڈونگ، فائٹر پائلٹ چن ژونگرئی اور انجینئر وانگ جیے شامل ہیں۔
شینزو-21 مشن کے خلاباز جنہوں نے ان کی جگہ فرائض سنبھالنے تھے ، ہفتے کے روز کامیابی سے خلائی اسٹیشن پر پہنچ گئے تھے۔