"ایئر بس A320"معمول کا نقص یا تکنیکی غفلت

ایئربس کے بیڑے پیر کے روز معمول کے آپریشنز کی طرف واپس آ رہے تھے جب یورپی طیارہ  ساز کمپنی نے اچانک سافٹ ویئر تبدیلیاں اصل توقع سے تیزی سے نافذ کیں، کیونکہ وہ طویل عرصے سے حریف بوئنگ پر مرکوز حفاظتی سرخیوں سے لڑ رہی تھی۔

ایشیا سے امریکہ تک درجنوں ایئرلائنز نے کہا کہ انہوں نے ایئربس کے آرڈر کردہ اور عالمی ریگولیٹرز کی جانب سے لازمی سافٹ ویئر ریٹروفٹ مکمل کی، جب حال ہی میں جیٹ بلیو A320 پر ہوا میں ہونے والے واقعے میں سولر فلیئرز کی کمزوری سامنے آئی۔

لیکن کچھ میں طویل عمل درکار ہوتا ہے، اور کولومبیا کی ایویانکا نے 8 دسمبر تک تاریخوں کی بکنگز روک رکھیں۔

معاملے سے واقف ذرائع نے بتایا کہ A320 کے تقریبا نصف بیڑے، یعنی 6,000 طیاروں کی واپسی کا بے مثال فیصلہ اس وقت کیا گیا جب گزشتہ ہفتے کے آخر میں جیٹ بلیو جیٹ کی بلندی میں کمی سے ممکنہ مگر غیر ثابت شدہ تعلق سامنے آیا۔

ریگولیٹرز کے ساتھ بات چیت کے بعد، ایئربس نے جمعہ کو سینکڑوں آپریٹرز کو 8 صفحات پر مشتمل الرٹ جاری کیا، جس میں عارضی طور پر گراؤنڈنگ کا حکم دیا گیا اور اگلی پرواز سے پہلے مرمت کا حکم دیا گیا۔

 یہ ہدایت کمپنی کی تاریخ کی سب سے وسیع ہنگامی واپسی سمجھی گئی اور خاص طور پر مصروف امریکی تھینکس گیونگ ویک اینڈ کے دوران سفر میں خلل کے فوری خدشات پیدا کیے۔

انڈسٹری ذرائع نے کہا  کہ اس وسیع وارننگ نے اس حقیقت کو بے نقاب کیا کہ ایئر بس کو مکمل حقیقی وقت میں اس بات کا علم نہیں کہ کون سا سافٹ ویئر ورژن استعمال ہو رہا ہے،

ابتدائی طور پر  فضائی کمپنیوں کو اثرات کا اندازہ لگانے میں مشکل پیش آئی کیونکہ بلینکٹ الرٹ میں متاثرہ طیاروں کے سیریل نمبر نہیں تھے۔

کئی ایئرلائنز نے متاثرہ  طیاروں کی تعداد اور کام کے لیے درکار وقت کے تخمینے میں ترمیم کی، جسے ایئربس نے ابتدائی طور پر فی طیارہ تین گھنٹے بتائی تھی۔

اس حل میں ایک پرانے سافٹ ویئر ورژن پر واپس جانا شامل تھا جو ناک کے زاویے کو سنبھالتا تھا۔ اس میں پچھلے ورژن کو ڈیٹا لوڈر نامی ڈیوائس سے کیبل کے ذریعے اپ لوڈ کرنا شامل ہے، جو سائبر حملوں کو روکنے کے لیے کاک پٹ میں لے جایا جاتا ہے۔

کم از کم ایک بڑی ایئرلائن کو تاخیر کا سامنا کرنا پڑا کیونکہ اس کے پاس اتنے ڈیٹا لوڈرز نہیں تھے کہ اتنے کم وقت میں درجنوں جیٹ طیارے سنبھال سکیں

جیٹ بلیو نے اتوار کی دیر رات کہا کہ وہ توقع کرتی ہے کہ پیر تک 150 متاثرہ طیاروں میں سے 137 کو سروس میں واپس لانے کا کام مکمل کر لے گی  البتہ اس مسئلے کی وجہ سے پیر کو تقریبا 20 پروازیں منسوخ ہو سکتی ہیں۔

عام طور پر پرانے A320  کے کچھ طیاروں  پر سوالیہ نشان موجود ہیں جنہیں صرف سافٹ ویئر ری سیٹ کے بجائے نئے کمپیوٹر کی ضرورت ہوگی۔

یہ پہلی بار ہے کہ ایئربس کو اس بحران کے بعد اتنے بڑے پیمانے پر عالمی تنقید  سے نمٹنا پڑا ہے۔

 جبکہ  سی ای او گیوم فیوری نے عوامی طور پر معذرت کی ہے ۔

نیو یارک میں قائم 5W پبلک ریلیشنز کے چیئرمین رون ٹوروسیان نے کہا کہ بالکل ایوی ایشن سیکٹر کی ہر کمپنی ایسی ہی ہے ،بوئنگ نے ہچکچاہٹ اور ابہام کی وجہ سے شہرت کی قیمت چکائی۔