مہاجر کشتی یونانی ساحلی گارڈ کے جہاز سے ٹکرا گئی ، کم از کم 14 افراد ہلاک

مقامی حکام کے مطابق جزیرہ چایوس کے ساحل کے نزدیک ایک تیز رفتار کشتی جس میں تارکینِ وطن سوار تھے اور یونانی کوسٹ گارڈ کے ایک گشت جہاز کے ٹکرانے کے بعد کم از کم 14 افراد ہلاک ہو گئے ہیں۔

عوامی نشریاتی ادارے ERT نے یونانی کوسٹ گارڈ کے حوالے سے بتایا کہ یہ واقعہ منگل کی شام جزیرہ چایوس کے میر سِنیڈی ساحل کے نزدیک پیش آیا، جب ریسکیو ٹیموں نے تصادم کے بعد سمندر سے 14 لاشیں نکالیں۔

زخمی تارکینِ وطن جن میں سات بچے اور دو حاملہ خواتین شامل تھیں، علاج کے لیے ہسپتال منتقل کر دیے گئے۔

رپورٹ کے مطابق دو کوسٹ گارڈ اہلکار بھی ہسپتال داخل کیے گئے ، ایک خاتون افسر کو دماغی جھٹکا لگا اور ایک مرد افسر کو  بازو پر  چوٹ آئی ہے۔

دریں اثنا بتایا گیا ہے کہ چار تارکینِ وطن کی حالت نازک ہے اور انہیں شدید چوٹیں آئی ہیں، جن میں جگر کا پھٹ جانا، پھیپھڑے کا سکڑ جانا، تلی کا پھٹ جانا، اور صدماتی دماغی چوٹیں شامل ہیں۔