سیکیورٹی  ذرائع سے ملنے والی معلومات کے مطابق،ترکیہ خفیہ سروس کے سربراہ ابراہیم قالن  نے لیبیا قومی اتحاد حکومت کے  نائب وزیر دفاع عبدالسلام زوبی اور وزیر اعظم عبدالحمید دبیبہ کےقومی سلامتی کے  مشیر ابراہیم دبیبہ سے  انقرہ میں ملاقات کی۔

اس دوران  لیبیا اور علاقائی ترقیات، لیبیا-ترکیہ تعاون کو جاری رکھنے کے لیے اٹھائے جانے والے اقدامات، اور لیبیا میں استحکام کے تحفظ کے لیے جاری کوششیں زیرِ بحث آئیں۔

زوبی اور دبیبہ نے ملاقات میں کہا کہ ہم  ترکیہ کے لیبیا میں ادا کردہ موثر اور تعمیری کردار کی قدر کرتے ہیں۔

قالن نے ترکیہ کی لیبیا میں امن و استحکام کے تحفظ کے لیے مضبوط حمایت جاری  رکھنے پر زور دیا،ان کا کہنا تھا کہ ترکیہ،  ملکی  وحدیت اور مشرق و مغرب میں موجود انتظامی ڈھانچوں کو ایک ہی لیبیا کے دائرے میں متحد کرنے کے عمل کی حمایت جاری رکھے گا۔لیبیا میں اٹھائے جا سکنے والے اضافی اقدامات پر  بھی تبادلہ خیال کیا گیا۔

قالن نے علاوہ ازیں  لیبیائی وزیرِ داخلہ عماد الا طرابلوسی سے بھی  مذاکرات کیے، جن میں  لیبیا میں سکیورٹی اور استحکام کو بہتر بنانے کے لیے اٹھائے جا سکنے والے اضافی اقدامات پر غور کیا گیا۔

الا طرابلوسی نے اس موقع پر  ترکیہ کی لیبیا کی قومی اتحاد حکومت  سے تعاون پر  اپنی مسرت کا اظہار کیا۔

قالن نے  مزید کہا کہ لیبیا کی سکیورٹی اور ترقی کے لیے دی جانے والی حمایت جاری رکھی جائے گی اور ترکیہ، لیبیا اور شمالی افریقہ میں دہشت گردی کے خلاف کارروائیوں، انسانی اسمگلنگ اور غیرقانونی ہجرت کے معاملات میں قریبی تعاون جاری  رکھے گا۔