امریکہ: براؤن یونیورسٹی میں فائرنگ، 2 افراد ہلاک 8 شدید زخمی

ہفتہ کی دوپہر براؤن یونیورسٹی میں مسلح شخص نے دو افراد کو ہلاک اور آٹھ دیگر کو شدید زخمی کر دیا، حکام نے کہا ہے، اور علاقے کے لوگوں سے کہا گیا ہے کہ وہ لاک ڈاؤن میں رہیں کیونکہ حملہ آور ابھی بھی آزاد ہے۔

،" پرووڈنس، رہوڈ آئی لینڈ کے میئر بریٹ اسمایلی نے ایک نیوز کانفرنس میں کہا کہ میں تصدیق کر سکتا ہوں کہ آج دوپہر دو افراد ہلاک ہوئے ہیں، اور آٹھ مزید نازک حالت میں ہیں البتہ ان کی حالت مستحکم ہے

فائرنگ کا واقعہ آئیوی لیگ یونیورسٹی کے کیمپس میں بارس اینڈ ہولی بلڈنگ میں ہوا جو انجینئرنگ اور فزکس ڈیپارٹمنٹس کا گھر ہے۔

یونیورسٹی نے بتایا کہ فائرنگ کے وقت عمارت میں متعدد امتحانات ہونے والے تھے۔

قانون نافذ کرنے والے اداروں نے مشتبہ شخص کو ایک سیاہ لباس میں ملبوس شخص کے طور پر بیان کیا۔

ڈپٹی پولیس چیف ٹموتھی اوہارا نے کہا  کہ ہم اس مشتبہ شخص کو تلاش کرنے کے لیے ہر ممکن ذریعہ استعمال کر رہے ہیں، اور میں لوگوں سے درخواست کرتا ہوں کہ اسے بہت سنجیدگی سے لیں۔ براہ کرم اس علاقے میں نہ آئیں،" ۔

مسلح شخص کو آخری بار عمارت سے نکلتے ہوئے دیکھا گیا، اور حکام کے مطابق کوئی ہتھیار برآمد نہیں ہوا۔

قانون نافذ کرنے والے اداروں اور فرسٹ ریسپانڈرز نے موقع پر قبضہ کر لیا، مقامی نیوز اسٹیشن WPRI نے فٹ پاتھ پر کپڑے اور خون کی اطلاع دی۔

ڈائریکٹر کاش پٹیل نے ایکس پر کہا  کہ ایف بی آئی تمام ضروری صلاحیتیں" فراہم کر رہی تھی، ۔

امریکی صدر ڈونلڈ ٹرمپ کو فائرنگ کے بارے میں بریفنگ دی گئی تھی۔

ٹرمپ نے کہا کہ کتنی خوفناک بات ہےابھی ہم صرف متاثرین کے لیے دعا کر سکتے ہیں۔

پروویڈنس میں براؤن یونیورسٹی جو بوسٹن کے قریب ہے، تقریبا 11,000 طلباء ہیں۔

یہ فائرنگ امریکہ میں اسکول حملوں  کے  ایک طویل سلسلے میں تازہ ترین واقعہ ہے، جہاں ہتھیاروں تک آسان رسائی محدود کرنے کی کوششیں سیاسی تعطل کا سامنا کر رہی ہیں۔