لبنان میں جنگ کے دوران 4 اسرائیلی فوجی ہلاک

اسرائیلی فوج کا کہنا ہے کہ جنوبی لبنان میں جھڑپوں میں چار اسرائیلی فوجی ہلاک اور دو زخمی ہو گئے۔

یہ ہلاکتیں اس وقت سامنے آئیں جب اسرائیل نے جنوبی لبنان میں فضائی حملوں اور زمینی کارروائیوں کو تیز کر دیا ہے۔

ابتدا میں ایک مقامی سطح  کی جھڑپ  اب ایک مسلسل مہم  کی ماہیت اختیار کر چکی ہے اور سرحد وں سے  تقریباً روزانہ فائرنگ کے تبادلے معمول بن چکے ہیں۔

لبنان میں شہریوں کے نقصان  میں اضافہ

متعلقہ حکام کے مطابق، لبنان میں اسرائیلی حملے کے آغاز کے بعد کم از کم 1,247 افراد ہلاک اور 3,690 زخمی ہو چکے ہیں، جب کہ حملوں نے جنوب بھر کے شہروں اور بنیادی ڈھانچے کو نشانہ بنایا ہے۔

یہ  تصادم ایک وسیع پیمانے کے امریکی-اسرائیلی حملے جو ایران کو نشانہ بنا رہے ہیں کے ساتھ متوازی ہے۔ ایرانی حکام کے بقول فروری کے آخر سے اب تک اس میں 1,340 سے زائد افراد ہلاک ہو چکے ہیں۔

جواب میں ایران نے اسرائیل اور خلیجی ممالک میں امریکی اڈوں کو نشانہ بنانے کے لیے ڈراون اور میزائل حملوں کی بارش کر رکھی ہے۔