جنگی زخمیوں کی رپورٹ کے بوجود ایران کے نئے سپریم لیڈر 'محفوظ اور ٹھیک'ہونے کی اطلاع

ایرانی صدر کے فرزند کا کہنا ہے کہ ایران کے نئے سپریم لیڈر مجتبیٰ خامنہ ای اسرائیل اور امریکہ کے ساتھ جاری جنگ کے دوران زخمی ہونے کی رپورٹس کے باوجود ' ٹھیک ٹھاک ' ہیں۔

یوسف پیزشکیان نے جو خود حکومت کے مشیر بھی ہیں اپنے ٹیلیگرام چینل پر لکھا ہے کہ 'میں نے سنا کہ جناب مجتبیٰ خامنہ ای زخمی ہوئے ہیں۔ میں نے  ان سے روابط ہونے والے چند دوستوں سے  دریافت کیا تو  انہوں نے کہا کہ شکر ہے، وہ صحتمند و تندرست ہیں۔'

سرکاری ٹیلی وژن نے خامنہ ای کو 'حالیہ جنگ کے زخمی سابق فوجی' قرار دیا تھا، مگر انہوں نے کبھی یہ واضح نہیں کیا کہ ان کو کس طرح چوٹیں آئیں۔

اس سے قبل، امریکی صدر ڈونلڈ ٹرمپ نے کہا تھا کہ ان کو شک ہے  کہ ایران کے نئے مقررہ سپریم لیڈر مجتبیٰ خامنہ ای  امریکہ کے ساتھ امن سے رہ سکیں گے اور انہوں نے جاری تنازع کے دوران تہران کی قیادت پر اپنی تنقید میں شدت لائی تھی۔

فاکس نیوز پر نشر ہونے والے  ایک انٹرویو میں ٹرمپ نے کہا کہ 'میں نہیں سمجھتا کہ وہ سکون سے رہ سکیں گے ' اور مزید کہا کہ وہ ایران کے فیصلے سے 'خوش' نہیں ہیں۔

ٹرمپ نے پہلے بھی خامنہ ای کی تقرری کو 'بڑی غلطی' قرار دیا تھا اور خبردار کیا تھا کہ نیا رہنما 'بغیر امریکی منظوری کے زیادہ دیر تک اپنے عہدے پر قائم نہیں  رہ سکے گا۔