105 سال پرانا ترکیہ کا قومی ترانہ

ترکیہ کا قومی ترانہ 105 سال پرانا ہے۔ قومی ترانہ، جو ترک قوم کی آزادی کی علامت ہے، اور اسے محمد عاکف ارسوی نے ہماری بہادر فوج کے لیے بطور خراج عقیدت لکھا، 105 سال پہلے اپنایا گیا تھا۔ ترک پارلیمان  نے ایک مقابلہ منعقد کیا جس میں "قومی ترانہ" لکھنے کے لیے 500 لیرا انعام دیا گیا، اس دور کے وزیر قومی تعلیم رضا نور جنہوں نے اس ایوارڈ کی رقم اور مقابلے کی تنظیم کی انہوں  نے بولوں کے علاوہ مقابلے میں 500 لیرا کا کمپوزیشن ایوارڈ بھی دیا۔ مقابلے میں زیادہ سے زیادہ شرکت کے لیے پارلیمان نے فعال طور پر کام کرنے والے اخبارات اور ملک کے ہر مقام پر معلومات بھیجیں، اور 6 ماہ میں 724 نظمیں بھیجی گئیں۔ ان 724 نظمیں کا جائزہ لینے کے لیے،وزارت قومی تعلیم نے پارلیمان کے اندر ایک کمیشن تشکیل دیا۔

کمیشن کے لیے مقرر ماہرین نے 724 نظمیں ایک ایک کر کے پڑھیں، ان کا جائزہ لیا اور 6 نظمیں منتخب کیں۔ بُردور کے  رکن پارلیمان  محمد عاکف ارسوی، جو مالی انعام کی وجہ سے مقابلے میں حصہ نہیں لینا چاہتے تھے، بعد میں حمداللہ صوفی کے اصرار پر اپنی تاج الدین درگاہ میں  لکھی گئی اور ترک فوج کو مخاطب کر تے ہوئے اپنی نظم سے مقابلے میں حصہ لیا۔

 مقابلے کے نتیجے میں محمد عاکف کی لکھی ہوئی نظم کو  پارلیمانی  اجلاس میں 12 مارچ 1921 کو جوش و خروش سے قبول کیا گیا۔ پارلیمان میں قومی ترانہ گانے والے پہلے شخص حمداللہ صوفی تانریور تھے۔ محمد عاکف ارسوی نے ترانے کی منظوری کے بعد بجٹ سے مختص کردہ 500 لیرا کی رقم دارال مسائی فاؤنڈیشن کو عطیہ کی، جو خواتین اور بچوں کو پیشہ ورانہ تربیت فراہم کرتی  تھی۔