امریکی صدر ڈونلڈ ٹرمپ نے کہا ہے کہ امریکہ، گرین لینڈ کے بارے میں نیٹو کے ساتھ بات چیت کر رہا ہے۔ انہوں نے اس آرکٹک علاقے کو امریکی قومی سلامتی کے لیے انتہائی اہم قرار دیا ہے۔

ٹرمپ نے جمعہ کو رپورٹرز  کو بتایا کہ"نیٹو ،ہمارے ساتھ گرین لینڈ کے معاملے پر بات کر رہا ہے۔ ہمیں قومی سلامتی کے لیے گرین لینڈ کی اشد ضرورت ہے۔"

خاص طور پر جب بات آتی ہے اس گولڈن ڈوم اور دیگر امور کے بارے میں جن پر ہم کام کر رہے ہیں،"اگر ہمارے پاس یہ نہیں ہوگا تو قومی سلامتی میں بڑا خلاء پیدا ہو جائے گا۔"

ٹرمپ نے جن فوجی یا سکیورٹی اقدامات کا حوالہ دیا اُن کی تفصیلات فراہم نہیں کیں، مگر کہا کہ واشنگٹن اس معاملے پرمیثاق کے ساتھ فعال طریقے سے بات چیت کر رہا ہے۔

اس سے قبل جمعہ کو ٹرمپ نے کہا کہ وہ گرین لینڈ سے متعلق امریکی مفادات کی مخالفت کرنے والے ممالک کے خلاف بطور دباؤ محصولات کے معاملے کو  استعمال کرنے پر غور کر رہے ہیں۔

انہوں نےاس بات کا حوالہ دیتے ہوئے کہ" ایک سابقہ تبادلہ خیال میں انہوں نے فرانسیسی صدر ایمانوئیل میکرون کے ساتھ ایسی بات کی تھی جس میں انہوں نے فرانس میں ادویات کی قیمتوں میں اضافے کے لیے وسیع پیمانے پر 25 فیصد ٹیرف کی دھمکی کا ذکر کیا تھا"، میں یہ گرین لینڈ کے لیے بھی کر سکتا ہوں۔

ٹرمپ نے وائٹ ہاؤس میں ایک تقریب سے کہا"میں ، گرین لینڈ کے معاملے میں ہمارے ساتھ تعاون نہ کر نے والےممالک پر ٹیرف لگا سکتا ہوں ، کیونکہ ہمیں قومی سلامتی کے لیے گرین لینڈ کی ضرورت ہے۔"

ٹیرف… ممکنہ تادیبی اقدامات

گزشتہ ہفتے، ٹرمپ نے کہا تھا کہ امریکہ کو گرین لینڈ "اپنے زیر کنٹرول لینا" چاہیے تاکہ ڈنمارک کا حصہ ہونے والے اس خود مختار علاقے پرروس یا چین کو  اثر و رسوخ حاصل نہ ہو۔

ڈنمارک اور گرین لینڈ دونوں نے اس علاقے کی فروخت کی کسی بھی تجویز کو رد کر دیا ہے اور جزیرے پر ڈنمارک کی حاکمیت کی توثیق کی ہے۔

ڈنمارک کے اعلی حکام نے بدھ کو وائٹ ہاؤس میں امریکی نائب صدر جے ڈی وینس اور وزیر خارجہ مارکو روبیو سے اس مسئلے پر ملاقات کی۔

ملاقات کے بعد ڈنمارک کے وزیر خارجہ لارز لوکے راسموسن نے کہا کہ بات چیت "واضح  اور  مثبت" تھی مگر تسلیم کیا کہ “بنیادی اختلافات” باقی ہیں۔

کوپن ہیگن میں دو جماعتی قانون سازوں کا ایک گروپ جمع  ہے تاکہ ڈنمارک اور گرین لینڈ کے لوگوں کے ان خدشات پر بات چیت کرے جو ٹرمپ انتظامیہ کی حصول کی دھمکیوں کے بارے میں ہیں۔