"پاکستان نیول مقابلے" ترکیہ نے چیمپیئن شپ ٹرافی جیت لی

پاک بحریہ کی جانب سے جاری بیان میں کہا گیا ہے کہ ترکیہ نے پاکستان کے ساحلی شہر کراچی میں ہونے والے بین الاقوامی بحری مقابلے کے پانچویں ایڈیشن میں کامیابی حاصل کرلی۔

سمندری مقابلے میں کشتی رانی ، تیراکی ، زندگی بچانے والی مہارت ، اور سمندری جہاز رانی کے مقابلے شامل تھے۔

بحریہ کے بیان میں کہا گیا ہے کہ ترکیہ نے تین طلائی تمغوں کے ساتھ چیمپئن شپ ٹرافی جیت لی جبکہ ایران کی ٹیم نے رنر اپ پوزیشن حاصل کی۔"

تقریب کے مہمان خصوصی وائس ایڈمرل محمد فیصل عباسی نے شرکت کی۔

عباسی نے فاتحین میں انعامات تقسیم کیے، جیتنے والی ٹیموں کو مبارکباد دی اور تمام شرکاء کی حوصلہ افزائی کی کہ وہ پیشہ ورانہ مہارت کے اعلیٰ معیار کے لیے جدوجہد جاری رکھیں۔

مقابلے میں آذربائیجان، انڈونیشیا، ایران، اٹلی،  سعودی عرب، عمان، سری لنکا، ترکیہ اور متحدہ عرب امارات کے شرکاء کے ساتھ ساتھ پاکستان کی میزبان ٹیم نے بھی حصہ لیا۔

اس  مقابلے  کا مقصد پاکستان میں واٹر سپورٹس کو فروغ دینا اور بحری افواج کے درمیان ناٹیکل اسپورٹس کے میدان میں دوستانہ مسابقت کو فروغ دینا ہے۔

اعلامیے کے مطابق تقریب میں بحریہ کے سینئر افسران، فارن سروس اتاشی اور متعدد سول معززین نے شرکت کی۔