یورپی یونین: بیلجیئم ہمارے ساتھ تعاون کرے

یورپی یونین  خارجہ پالیسی کی سربراہ کاجا کالاس نے آج بروز سوموار، روسی منجمد اثاثوں کے یوکرین  کے لئے استعمال  سے متعلق فیصلے پر متوقع اجلاس سے قبل،  جاری کردہ بیان میں کہا ہے کہ بیلجیئم کے تعاون کی ضرورت محسوس کی جا رہی ہے اور ہم کوئی فیصلہ کئے بغیر اجلاس کو ترک نہیں کریں گے۔

یورپی یونین وزرائے خارجہ اجلاس سے قبل اخباری نمائندوں کے لئے جاری کردہ بیان میں کالاس نے کہا ہے کہ "ہم، یوکرین کو فراہم کئے جانے والے مالیاتی تعاون پر،بروز  جمعرات متوقع  اجلاس  کو بے نتیجہ ثابت نہیں ہونے دیں گے۔  ہرجانے کی ادائیگی، کسی ملک کو اس نوعیت کا نقصان پہنچانے والے، ہر کسی  کو ہرجانے کا پابند کرنے سے متعلق ایک کھُلا اشارہ ہے"۔

انہوں نے کہا ہے کہ "بیلجیم کے بغیریہ کام آسان نہیں ہوگا کیونکہ اثاثوں کی اکثریت ان کے پاس ہے اور میرے خیال میں ان کا بھی اس فیصلے میں شامل ہونا ضروری ہے"۔

کلاس نے ممکنہ جنگ بندی اور امن فریم ورک پر بات چیت  کے دوام کا ذکر کیا اور  یوکرین کے لیے ٹھوس حفاظتی ضمانتوں  کی ضرورت پر زور دیا ہے۔

انہوں نے کہا ہے کہ یہ  ضمانتیں کاغذی  یا  خالی وعدے نہیں حقیقی فوجوں اور حقیقی صلاحیتوں پر مشتمل  ہونی چاہیئں تاکہ یوکرین اپنا دفاع کر سکے"۔