اپنے ایلچی کو ماسکو بھیج رہا ہوں:ٹرمپ

ڈونلڈ ٹرمپ نے کہا کہ وہ اپنے ایلچی اسٹیو وٹکوف کو روسی رہنما ولادیمیر پوتن سے ماسکو میں ملاقات کے لیے بھیج رہے ہیں کیونکہ ہم  یوکرین میں جنگ ختم کرنے کے لیے ایک معاہدہ طے پانے کی کوشش کر رہے ہیں۔

ٹرمپ نے منگل کو اپنے ٹروتھ سوشل پلیٹ فارم پر پوسٹ کیا کہ "اختلاف کے صرف چند نکات باقی ہیں" — لیکن یورپی رہنما شکوک و شبہات میں مبتلا تھے

انہوں نے یہ بھی امید ظاہر کی کہ وہ   پوتن اور یوکرینی صدر ولادیمیر زیلنسکی سے ملاقات  اس وقت کریں گےجب اس جنگ کے خاتمے کا معاہدہ حتمی یا آخری مراحل میں ہوگا۔"

دوسری طرف فرانسیسی صدر ایمانوئل میکرون نے کہا کہ  یوکرین دوست تجویز پر بات چیت کے لیے واضح طور پر کوئی روسی رضامندی  شامل نہیں ہے۔

تازہ ترین مذاکرات، جن میں امریکی اور روسی مندوبین بھی شامل تھے، ابوظہبی میں ہو رہے تھے، یوکرین کی حمایت کرنے والے 30 ممالک کے رہنماؤں نے بھی منگل کو ویڈیو کے ذریعے ملاقات کی۔

امریکی مذاکرات کار ڈین ڈرسکول روسی ہم منصبوں سے ملاقات کے بعد پرامید تھے، ان کے ترجمان نے کہا کہ مذاکرات اچھے طریقے سے چل رہے ہیں اور ہم پر امید ہیں۔"

 وائٹ ہاؤس نے  اس زبردست پیش رفت کا حوالہ دیا، جبکہ خبردار کیا کہ کچھ نازک  مسائل  ہیں  جنہیں حل کرنا ضروری ہے۔

بعد میں ٹرمپ نے کہا کہ روس نے "بڑی رعایتیں" دی ہیں اور ابتدائی 28 نکاتی منصوبہ صرف ایک نقشہ تھا۔

روس کو جو رعایتیں دینے  کے بارے میں پوچھے جانے پر ٹرمپ نے کہا کہ ماسکو پہلے ہی "بڑی رعایتیں" دے رہا ہے، وہ لڑائی بند کر دیں گے اور مزید زمین  پر قبضہ نہیں کریں گے

دریں اثنا، زیلنسکی نے کہا کہ  امریکی نظرثانی شدہ منصوبے کا خیرمقدم کرتا ہوں میں امریکی فریق اور صدر ٹرمپ کے ساتھ مزید فعال تعاون پر انحصار کر رہا ہوں، بہت کچھ امریکہ پر منحصر ہے، کیونکہ روس امریکی طاقت پر سب سے زیادہ توجہ دیتا ہے۔

زیلنسکی نے یورپی رہنماؤں سے مذاکرات میں شامل ہونے کا مطالبہ کیا  کیونکہ سلامتی کے فیصلوں میں یورپ کو شامل کرنا ضروری ہے۔