پاکستان و افغانستان میں شدید بارشیں،144 افراد ہلاک

شدید بارشوں اور طوفانوں نے دونوں ہفتوں کے دوران افغانستان اور پاکستان میں کم از کم 121 افراد کی جان لی ہے۔

طوفانی موسم  ہونے کی وجہ سے مارچ کے اواخر سے افغانستان میں بارشوں کا سلسلہ جاری ہے جس نے سیلاب، زمین کھسکنے اور گھروں اور فصلوں کو نقصان پہنچایا ہے۔

افغانستان کی ڈیزاسٹر مینجمنٹ اتھارٹی (ANDMA) کے ترجمان محمد یوسف حمّاد نے ہفتہ کو اے ایف پی کو بتایا کہ 26 مارچ سے آج تک ملک بھر میں سیلاب اور بارشوں کے باعث 77 افراد ہلاک اور 137 زخمی ہوئے ہیں۔

ترجمان نے مزید کہا کہ گزشتہ 48 گھنٹوں میں ملک بھر میں بارشوں، سیلاب، زمین کھسکنے اور بجلی گرنے کے واقعے کے نتیجے میں 26 افراد ہلاک اور 48 زخمی ہوئے۔

دوسری جانب ، پاکستان میں حکام نے کہا ہے کہ پچھلے ہفتوں میں شدید بارشوں کے نتیجے میں 44 افراد ہلاک ہوئے۔

صوبائی حادثاتی انتظامیہ نے اے ایف پی کو بتایا کہ شمالی صوبہ خیبر پختونخوا میں 25 مارچ سے کم از کم 32 افراد ہلاک ہوئے اور جنوب مغربی بلوچستان میں 20 مارچ سے 12 موتیں رپورٹ ہوئی ہیں۔