سری لنکا میں سائیکلون ڈیٹواہ کے بعد 123 افراد ہلاک اور درجنوں لاپتہ

مقامی میڈیا نے ہفتہ کو رپورٹ کیا کہ طوفان ڈِٹوا کے بعد سری لنکا بھر میں ہونے والی شدید سیلابی صورتحال اور لینڈ سلائیڈنگ  کے نتیجے میں کم از کم 123 افراد ہلاک اور 130 دیگر لاپتہ ہو گئے ہیں۔

مقامی میڈیا کے مطابق کندی ضلع میں 51 افراد کی ہلاکتیں رپورٹ ہوئی ہیں جبکہ 67 افراد کا ابھی تک پتہ نہیں چل سکا۔ بدُلا ضلع میں 35 ہلاکتیں تصدیق شدہ ہیں اور 27 افراد لاپتہ ہیں۔

دوسرے اضلاع بھی متاثر ہوئے ہیں: کیگلے میں 9، میٹیلے میں 8، نوارا ایلیا میں 6 اور امپارا میں 5 ہلاکتیں رپورٹ ہوئیں۔

طوفان ڈِٹوا، جو 26 نومبر کو سری لنکا میں آیا، 102,877 خاندانوں کے 373,428 افراد کو متاثر کر چکا ہے، جبکہ بحران کے جواب میں 43,925 افراد کو 488 عارضی پناہ گاہوں میں منتقل کیا گیا ہے۔

غیر معمولی موسمی حالات 17 نومبر سے جزیرے کو متاثر کر رہے ہیں  جس میں شدید بارشیں، سیلابی پانی میں اضافہ اور لرزش اراضی  شامل ہیں۔

ٴ انتظامیہ نے کئی بڑی ندی نالوں کے لیے ہائی رسک سیلابی انتباہ جاری کیے ہیں اور  ارد گرد کے نشیبی علاقوں میں مقیم افراد کو  فوری طور پر محفوظ مقامات پر منتقل ہونے کی ہدایت کی ہے۔

ڈیلی مرر کے مطابق سری لنکا کے صدر انورا کومارا دِسانائے نے ریسکیو آپریشنز کے لیے 20,000 سے زائد فوجی اہلکار تعینات کرنے کا حکم جاری کیا ہے۔

ابتدائی طور پر حکام نے آٹھ اونچے خطرے والے اضلاع کے لیے ریڈ الرٹ لینڈ سلائیڈ انتباہ جاری کیا تھا، جس میں ڈھلوانی علاقوں، پہاڑی بستیوں اور خطرے سے دوچار زونز کو شدید خطرہ قرار دیا گیا تھا۔

آل انڈیا ریڈیو کے مطابق ڈِٹوا ممکنہ طور پر اتوار کی صبح تک بھارت کے جنوبی ساحل، تامل ناڈو ریاست کے قریب گزرے گا، جس سے کچھ خطوں میں پروازوں کی خدمات اور تعلیمی سرگرمیاں متاثر ہو سکتی ہیں۔