ترکیہ کے صدر رجب طیب اردوعان نے محصور غزہ میں جنگ بندی کی کوششوں پر ڈونلڈ ٹرمپ کو سراہا ہے۔
صدر اردوعان نے پیر کے روز جاری کردہ بیان میں کہا ہے کہ "میں، غزہ میں خونریزی کے سدّباب اور جنگ بندی کی خاطر ، امریکی صدر ڈونلڈ ٹرمپ کی کوششوں اور قیادت کو سراہتا ہوں "۔
اردوعان نے مزید کہا ہےکہ ترکیہ سفارتی عمل کی حمایت جاری رکھے گا اور انقرہ "تمام فریقین کے لیے قابل قبول منصفانہ اور دیرپا" امن کے قیام کے لیے پرعزم ہے۔
یہ بیان ایسے وقت پر سامنے آیا ہےجب ٹرمپ نے واشنگٹن میں اسرائیلی وزیر اعظم بنیامین نیتن یاہو کے ساتھ ایک پریس کانفرنس کے دوران غزہ جنگ بندی منصوبے کے اہم نکات پیش کیے ہیں۔
اس منصوبے میں اسرائیلی قیدیوں کی رہائی اور حماس کو غیر مسلح کرنے کی تجاویز شامل ہیں۔
پریس کانفرنس کے دوران ٹرمپ نے کہا ہےکہ اسرائیلی رہنما نے "فلسطینی ریاست کی واضح الفاظ میں مخالفت کی ہے ... اور میں اسے سمجھتا ہوں۔"
واضح رہے کہ اسرائیل محصور غزہ میں اب تک ، زیادہ تر عورتوں اور بچوں پر مشتمل، 66,000 سے زائد فلسطینیوں کو قتل کر چُکا ہے ۔
اسرائیلی حملوں نے علاقے کے بیشتر حصے کو کھنڈرات میں تبدیل کر دیا اور اس کی پوری آبادی کو بے گھر کر دیا ہے۔
