کولمبیا میں اسکول بس حادثے میں 17 افراد ہلاک اور 20 زخمی

شمالی کولمبیا کے ایک دیہی علاقے میں اسکول بس کھائی میں گرنے  سے 17 افراد ہلاک اور 20 زخمی ہو گئے ۔

اتوار کو X پر ایک پوسٹ میں انتیو کیووا کے گورنر آندریس یولیان نے کہا کہ بس اسکول سے  کیریبین قصبے تولوسے میدیلین  جا رہی تھی ۔

انہوں نے اتوار کی شب بتایا کہ طلبا ساحل پر اپنی گریجویشن کا جشن  منا رہے تھے۔

انہوں نے کہا، "دسمبر کے اس موقع پر یہ پوری کمیونٹی کے لیے  ایک بڑا دلخراش  سانحہ  ہے۔"

سوشل میڈیا پر  ایک  پوسٹ میں  زندہ بچ جانے والوں میں سے ایک نے  بتایا   کہ "میں سو رہا تھا اور اچانک چیخ و پکار سنائی دی  اور اس کے بعد مجھے کچھ یاد نہیں۔"

امدادی  اہلکاروں نے  بچ جانے والوں کو خطرناک کھائی سے بڑی دقت سے  نکالا۔

صدر گستاو پیدرو نے X پر ایک پوسٹ میں متاثرہ خاندانوں سے تعزیت کا اظہار کیا۔

انہوں نے لکھا، "مجھے بڑا دکھ ہوتا ہے جب نوجوان ہلاک ہوتے ہیں۔ خصوصاً جب وہ تعلیم کے لیے  جا رہے ہوں یا خوشی سے تفریح  کر رہے ہوں۔"