ابوظہبی ترکیہ-امارات کے درمیان افریقہ پر متعلقہ اجلاس کی میزبانی کرے گا

ترک وزارت خارجہ  نے اطلاع دی ہے کہترکیہ اور متحدہ عرب امارات  کے درمیان افریقہ پر مشاورت کا دوسرا دور پیر کو ابو ظہبی میں منعقد ہوگا ۔

ترک نائب وزیر خارجہ برہان الدین دوران اور یو اے ای کے وزیر مملکت برائے امور خارجہ، شاہبوط بن نہیان النہیان، اس اجلاس کی مشترکہ صدارت کریں گے۔

ان مذاکرات میں افریقہ میں ہونے والی پیش رفت پر تبادلہ خیال کیا جائے گا اور معیشت، سرمایہ کاری اور دیگر ممکنہ تعاون کے شعبوں پر غور کیا جائیگا۔

افریقہ پر باقاعدہ مشاورت کے انعقاد کا فیصلہ صدر رجب طیب اردوان کے فروری 2022 میں یو اے ای کے دورے کے دوران کیا گیا تھا، اس دوران  دونوں ممالک کے وزرائے خارجہ کے درمیان بات چیت ہوئی  تھی۔

اس معاہدے کے بعد، ترکیہ اور یو اے ای کے درمیان افریقہ پر پہلا مشاورتی اجلاس  10 اکتوبر 2023 کو انقرہ میں منعقد ہوا تھا۔