جنوبی کوریائی فوج کے کوبرا ہیلی کاپٹر حادثے میں دو افراد ہلاک

جنوبی کوریا کی فوج نے بتایا کہ گیپ یونگ کاؤنٹی کے شمالی علاقے میں تربیتی پرواز کے دوران ایک اے ایچ-1 ایس کوبرا حملہ آور ہیلی کاپٹر گر کر تباہ ہو گیا اور اس پر سوار دونوں پائلٹ  ہلاک ہو گئے۔

ہیلی کاپٹر پیر کے روز صبح مقامی وقت کے مطابق گیارہ بجے کے کچھ ہی دیر بعد کسی نامعلوم وجہ سے  گر گیا۔

فوجی بیان کے مطابق دونوں اہلکاروں کو قریبی ہسپتالوں میں منتقل کیا گیا، مگر بعد ازاں وہ زخموں کی تاب نہ لاتے ہوئے چل بسے۔

فوج نے اس حادثے کے بعد  تمام اے ایچ-1 ایس ہیلی کاپٹروں کی پروازیں معطل کر دیں اور حادثے کی وجہ جاننے کے لیے ایک ہنگامی تحقیقاتی ٹیم تشکیل دی ہے۔

فوج کا کہنا تھا کہ مشق میں انجن چلتے ہوئے ہنگامی لینڈنگ کے طریقہ کار کی مشق شامل تھی، یہ وہ طریقہ تھا جو عملے کو جنگی یا میکانیکی ہنگامی صورتحال کے لیے تیار کرنے کے لیے ترتیب دیا گیا تھا۔

گیپ یونگ سیئول کے شمال مشرق میں واقع ہے اور شمالی کوریا کی سخت حفاظتی تدابیر کی حامل  سرحد کے نزدیک ہے۔ جنوبی کوریا علاقائی کشیدگیوں کے دوران اپنی  حفاظتی  کارراوئیوں پر توجہ دے رہا  ہے۔