ٹرمپ گرین لینڈ پر قبضے کا خواب دیکھنا چھوڑ دیں:ڈنمارک

ڈنمارک کی وزیر اعظم میٹے فریڈرکسن  نے امریکی صدر ڈونلڈ ٹرمپ پر زور دیا ہے کہ وہ گرین لینڈ پر قبضہ کرنے کی دھمکی دینا بند کریں جس کی خواہش ٹرمپ نے  دی اٹلانٹک میگزین کو دیے گئے ایک انٹرویو میں  دہرائی تھی۔  

ٹرمپ نے میگزین کو بتایا کہ ہمیں واقعی گرین لینڈ کی ضرورت ہے یہ  ہمیں اپنے دفاع کے لیے چاہیے۔

انہوں نے یہ بات اس وقت کی جب امریکہ نے وینزویلا کے صدر نکولس مادورو کو اغوا کیا تھا، اور صدر نے کہا کہ واشنگٹن لاطینی امریکی ملک کو کنٹرول کریں گے۔

اس سے ڈنمارک میں خدشات پیدا ہوئے  کیونکہ  گرین لینڈ اس کا نو آبادیاتی علاقہ  ہے۔

فریڈرکسن نے کہا کہ میں امریکہ سے  پرزوردرخواست کرتی  ہوں کہ وہ تاریخی طور پر قریبی اتحادی اور اس کی  قوم کے خلاف دھمکیاں بند کریں ۔

 واضح رہے کہ ٹرمپ نے 21 دسمبر کو لوئیزیانا کے گورنر جیف لینڈری کو گرین لینڈ کے لیے خصوصی ایلچی مقرر کیا ہے

ٹرمپ نے گرین لینڈکو امریکہ کا حصہ بنانے کی حمایت کی ہے

آرکٹک جزیرے کی یورپ اور شمالی امریکہ کے درمیان اسٹریٹجک پوزیشن اسے امریکی بیلسٹک میزائل دفاعی نظام کے لیے ایک اہم مقام بناتی ہے، جبکہ اس کی معدنی دولت پرکشش ہے کیونکہ امریکہ چینی برآمدات پر انحصار کم کرنے کی امید رکھتا ہے۔

گرین لینڈ جو ایک سابقہ ڈینش کالونی ہے اُسے  2009 کے معاہدے کے تحت آزادی کا اعلان کرنے کا حق حاصل ہے لیکن وہ ڈینش سبسڈی پر بہت زیادہ انحصار کرتا ہے۔

ڈنمارک نے گزشتہ سال کے دوران گرین لینڈ کے ساتھ کشیدہ تعلقات کو بحال کرنے کی اور ساتھ ہی ٹرمپ انتظامیہ کے ساتھ کشیدگی کو کم کرنے کے لیے آرکٹک  علاقے میں دفاعی شعبے  میں سرمایہ کاری بھی کی ہے۔