شام: YPG کے دہشت گردوں نے پانی کی مرکزی پائپ لائن تباہ کر دی

دہشت گرد تنظیم وائے پی جی کے دریائے فرات کے پرانے  پُل کو تباہ کرنے کے نتیجے میں  شام کے شمالی شہر رقہ کو پانی کی فراہمی مکمل طور پر منقطع ہو گئی ہے۔

شام کی سرکاری خبر ایجنسی 'سانا'نے رقہ میں اپنے نمائندے کے حوالے سے شائع کردہ خبر میں  کہا ہے کہ " وائے پی جی  دہشت گرد گروپ نے پرانے پُل کے ساتھ ساتھ بچھی ہوئی رقہ کے لئے  پانی کی  مرکزی پائپ لائنیں تباہ کر دی ہیں جس کے بعد شہر کو پانی کی فراہمی مکمل طور پر منقطع ہو گئی ہے"۔

ایجنسی نے اگلی خبر میں  اسی گروپ کے رقہ میں 'نیا الرشید پل' بھی دھماکے سے اڑانے کی اطلاع دی ہے۔

واضح رہے کہ قبل ازیں شامی فوج نے صوبہ رقہ کے اسٹریٹجک ضلعے 'الطبقہ' پر مکمل کنٹرول حاصل کر لیا  اور YPG دہشت گرد گروپ کو وہاں سے بے دخل کر دیا تھا۔

شامی فوج کے آپریشن ڈپارٹمنٹ نے کہا  تھا کہ سرکاری افواج نے  ضلع  طبقہ کو حفاظت میں لے کر  YPG کے دہشت گردوں سے پاک کر دیا ہے۔