انڈونیشا میں اولڈ ہاوس میں آتشزدگی،کم ازکم 16 افراد لقمہ اجل

مقامی میڈیا نے اطلاع دی  ہے کہ انڈونیشیا کے  جزیرہ سلیویسی  کےشہر ماناڈو میں ایک نرسنگ ہاوس  میں لگنے والی  ہلاکت خیز آگ میں کم از کم 16 افراد ہلاک اور تین زخمی ہو گئے ہیں ۔

جکارتہ گلوب نے پیر کو رپورٹ کیا کہ آگ اتوار کی رات دیر گئے بھڑکی اور شمالی سلیویسی صوبے کے ماناڈو میں واقع اس نرسنگ ہوم کی عمارت کو تیزی سے اپنی لپیٹ میں لے لیا، جہاں تقریباً 32 عمر رسیدہ رہائش پذیر تھے ۔

فائر فائٹرز نے کہا کہ شعلے تیزی سے پھیل گئے، جس کے باعث ایمرجنسی عملے کو آگ کو قابو میں رکھنے اور اسے قریبی گنجان آباد علاقوں تک  پھیلنے سے روکنے پر توجہ مرکوز کرنا پڑی۔

آگ کو تقریباً ایک گھنٹے کے بعد قابو میں کر لیا گیا۔

واقعے میں تین رہائشی آگ سے بری طرح متاثر ہوئے جنہیں  ہسپتال منتقل کیا گیا ہے۔

پولیس نے آگ کی وجہ معلوم کرنے کے لیے تفتیش شروع کر دی ہے ؛ ت اہم ابتدائی  معلومات  سے اندازا لگایا گیا ہے کہ آگ ممکنہ طور پر  عمارت کے باورچی خانے سے بھڑکی ہے۔