ٹرمپ انتظامیہ نے برازیل کی جانب سے گزشتہ ماہ دو امریکی سفارت کاروں کو ویزے دینے سے انکار کے جواب میں، امریکہ میں تعینات برازیل کے سفیر کا ویزا منسوخ کر دیا ہے۔

امریکی سفارت کار آئندہ انتخابات سے قبل برازیل کا دورہ کرنا چاہتے تھے، اس کے علاوہ برازیل نے براسیلیا میں سفیر کے لیے صدر ڈونلڈ ٹرمپ کے نامزد کردہ امیدوار کی منظوری میں بھی تاخیر کی تھی۔

امریکی  امور  خارجہ نے کہا کہ منگل کو لیا گیا یہ فیصلہ برازیل کے اقدام کا ایک باہمی ردعمل تھا۔

حکام نے بتایا کہ اس اقدام میں کئی بار تاخیر کی گئی تاکہ برازیل کے صدر لویز اناسیو لولا ڈی سلوا کو اپنے فیصلے سے پیچھے ہٹنے کا موقع مل سکے لیکن انہوں نے ایسا نہیں کیا۔

تاہم، حکام کا کہنا تھا کہ اگر برازیل مناسب اقدامات کرے اور ٹرمپ کے نامزد کردہ سفیر کو قبول کر لے تو اس فیصلے کو  فوراًواپس لیا جا سکتا ہے۔

بائیں بازو سے تعلق رکھنے والے لولا کا مقابلہ 4 اکتوبر کے انتخابات میں سینیٹر فلاویو بولسونارو سے ہوگا، جن کے والد ماضی میں برازیل کے صدر رہ چکے ہیں۔

اس کارروائی کے باوجود، ایک  اہلکار نے کہا کہ واشنگٹن برازیل کے ساتھ تعلقات کو بہت اہمیت دیتا ہے اور وہ برازیل کے عوام کا احترام کرتا ہے،  اگر وہ آزادانہ اور منصفانہ انتخابات کے ذریعے جس حکومت کا بھی انتخاب کریں۔