بھارت: ہسپتال میں آگ لگ گئی، دس مریضوں کی موت

مقامی حکام کے مطابق مشرقی بھارت کے ایک سرکاری اسپتال میں آگ لگنے سے کم از کم 10 شدید بیمار مریض جو ٹراما کیئر یونٹ میں داخل تھے ہلاک ہو گئے۔

بھارت میں عمارتوں میں آگ لگنے کے واقعات عام ہیں، جس کی وجہ فائر فائٹنگ سازوسامان کی کمی اور حفاظتی قواعد و ضوابط کی معمول کی خلاف ورزی ہے۔

وزیراعلیٰ موہن چرن مجھی نے صحافیوں کو بتایا  کہ اوڑیشہ کے کٹک شہر میں واقع ایس سی بی میڈیکل کالج اینڈ ہسپتال کی پہلی منزل کے ایک حصے میں آج صبح ابتدائی طور پر آگ لگی، ۔

انہوں نے کہا کہ ایک شارٹ سرکٹ نے ٹراما آئی سی یو وارڈ میں آگ لگا دی جہاں مریضوں کا علاج جاری تھا'، اور مزید بتایا کہ واقعے کے وقت اس منزل پر 23 مریض موجود تھے۔

آگ کے نتیجے میں دس افراد ہلاک ہو گئے، جبکہ باقی مریضوں کو دیگر وارڈز میں منتقل کر دیا گیا، انہوں نے مزید کہا۔

مریضوں کو بچانے کی کوشش کے دوران کم از کم 11 عملے کے ارکان جھلس گئے ہیں۔

وزیراعظم نریندر مودی نے سوشل میڈیا پر واقعے کو 'بہت تکلیف دہ' قرار دیا اور متاثرہ خاندانوں سے ہمدردی کا اظہار کیا۔

انہوں نے متاثرہ خاندانوں کو $2,160  معاوضہ دینے کا اعلان بھی کیا۔

2024 میں جنوبی ریاست تمل ناڈو کے ایک نجی ہسپتال میں لگنے والی آگ کے نتیجے میں کم از کم چھ افراد ہلاک اور دو درجن سے زائد زخمی ہوئے تھے۔

اسی سال، اتر پردیش کی ایک ہسپتال میں آگ لگنے کے دوران 10 نوزائیدہ بچوں کی موت ہو گئی تھی