یوکرینی  صدر وولودیمیر زیلنسکی نے منگل کو کہا کہ امریکی صدر ڈونلڈ ٹرمپ نے یوکرین کو پیٹریاٹ میزائل  دفاعی نظام کی تیاری کے لیے لائسنس دینے پر رضامندی ظاہر کی ہے۔

فوکس نیوز کے ایک انٹرویو میں زیلنسکی نے کہا کہ دونوں رہنماؤں نے اس بات چیت کو آگے بڑھایا  ہےجو انہوں نے اس ماہ کے اوائل میں نیٹو سمٹ کے دوران ترکیہ کے دارالحکومت انقرہ میں شروع کی تھیں۔

زیلنسکی نے کہا کہ"ہم نے اسے انقرہ میں شروع کیا تھا تاکہ یوکرین کو پیٹریاٹ کی تیاری کے لیے لائسنس   جاری کیا جائے۔"

"یہ اہم ہے، کیونکہ ہمیں اس کی اشد ضرورت ہے۔"

انہوں نے کہا کہ وائٹ ہاؤس میں ان کی ملاقات کے دوران ٹرمپ نے اس درخواست پر اتفاق کیا  ہے۔

زیلنسکی نے کہا کہ"آج صدر ٹرمپ کے ساتھ ہماری  بڑی مفید بات چیت  ہوئی۔ انہوں نے  ہمیں لائسنس  دینے کی حامی بھری ہے۔"

زیلنسکی نے مزید کہا کہ بعد ازاں انہوں نے  امریکی دفاعی کمپنیوں کے عہدیداروں سے ممکنہ مشترکہ پیداوار پر بات چیت کے لیے ملاقاتیں کیں۔"میں امید کرتا ہوں کہ ہم مشترکہ پیداوار کریں گے۔ یہ  انتہائی اہم ہے۔"

منگل کو واشنگٹن  میں صحافیوں سے بات کرتے ہوئے زیلنسکی نے کہا کہ انہوں نے ٹرمپ اور امریکی سینیٹرز کے ساتھ یوکرین کی فوری فضائی دفاعی ضروریات پر بات کی ہے۔انہوں نے کہا کہ"اصل مسئلہ اینٹی بیلسٹک سسٹمز اور اینٹی بیلسٹک میزائل ہیں۔"