پاکستان و افغانستان تحمل سے کام لیں:چین

چین نے پاکستان اور افغانستان سے تحمل کا مظاہرہ کرنے اور گفت و شنید کی طرف واپس آنے کی اپیل کی  ہے ۔

افغان حکومت نے پیر کی دیر رات دعویٰ کیا کہ شب تقریباً 9 بجے  پاکستانی فضائی حملوں نے کابل کے 2,000 بستروں پر مشتمل اُمید ایڈکشن ٹریٹمنٹ ہسپتال کو نشانہ بنایا جس کے نتیجے میں کم از کم 400 افراد ہلاک ہو گئے۔

پاکستان نے اس الزام کی تردید کی اور کہا کہ اس نے کابل اور مشرقی ننگرہار صوبے میں افغان فوجی تنصیبات اور گولہ بارود کے گوداموں کو نشانہ بنایا۔

کابل اور اسلام آباد کے دعووں کی آزادانہ طور پر تصدیق ممکن نہیں ہوسکی۔

شدید کشیدگی کے جواب میں چینی وزارت خارجہ کے ترجمان لن جیان نے کہا کہ بیجنگ امید کرتا ہے کہ دونوں طرفیں مزید تصادم سے گریز کریں گے اور گفت و شنید کی راہ اپنائیں گی۔

لن نے بیجنگ میں صحافیوں سے کہاکہ  افغانستان اور پاکستان ہیں اور ہمیشہ  ہمسایہ  رہیں گے۔ دونوں ممالک کے درمیان مسائل کے حل کے لیے گفت و شنید اور مذاکرات ہی واحد قابل عمل راستے ہیں چین امید کرتا ہے کہ دونوں ممالک پر امن رہیں، تحمل کا مظاہرہ کریں اور اختلافات کو حل کرنے کے لیے جلد از جلد آمنے سامنے بات چیت کریں۔

 انہوں نے کہا کہ چین نے دونوں فریقوں سے اپنے چینی عملے، اداروں اور منصوبوں کی حفاظت کو یقینی بنانے کی درخواست کی ہے اور بیجنگ کشیدگی کم کرنے میں مدد کے لیے کوششیں جاری رکھے گا۔

افغانستان اور پاکستان کے درمیان تعلقات حالیہ چند ہفتوں میں سرحدی کشیدگی کے بڑھ جانے کے بعد بگڑ گئے ہیں، جس کے نتیجے میں جانی نقصان اور جائیداد کو نقصان پہنچا ہے۔