چین: ہم، اپنے حقوق و مفادات کا تحفظ کریں گے

چین نے کہا ہے کہ ہم، امریکی ٹیرف کے مقابل، اپنے حقوق اور مفادات کا تحفظ کریں گے۔

چین وزارت خارجہ کی ترجمان ماؤ نِنگ نے منگل کو ایک معمول کے نیوز کانفرنس میں ایران کے ساتھ تجارت کرنے والے ممالک پر ٹرمپ کے اعلان کردہ 25 فیصد محصول سے متعلق سوال کے جواب میں کہا ہے کہ "ہمارا ہمیشہ سے یہ موقف رہا ہے کہ محصولات کی جنگ کا کوئی فاتح نہیں ہو گا اور چین اپنے جائز حقوق اور مفادات کا پُرعزم دفاع کرے گا"۔

سیاحتی مقاصد  کے لیے ایران کا سفر کرنے والے چینی شہریوں کے بارے میں مشورے سے متعلق سوال کے جواب میں ماؤ نے کہا ہے کہ "بیجنگ ،صورت حال کی پیش رفت پر بغور نگاہ رکھے ہوئے ہے۔ ہم اپنے شہریوں کی حفاظت کے لیے تمام ضروری اقدامات کریں گے"۔

چین ایران کی اہم برآمداتی منڈیوں میں شامل ہے

 محصولات کی  دھمکی ، ایران میں گذشتہ کئی برسوں کی سب بڑی حکومت مخالف احتجاجی لہر  کے دوام کے دوران دی گئی ہے۔ملک میں اقتصادی مسائل کی وجہ سے شروع ہونے والے احتجاجی مظاہرے دینی قیادت کے خاتمے کے مطالبات میں تبدیل ہو گئے ہیں۔

 امریکہ کے حقوقِ انسانی گروپ HRANA نے کہا ہے کہ احتجاج  کے آغاز سے تاحال،  مظاہرین اور سکیورٹی اہلکار سمیت، کم از کم 648 افراد کی اموات کی  تصدیق کی جا چُکی ہے۔

ٹرمپ نے کل بروز سوموارٹرتھ سوشل سے جاری کردہ بیان میں  کہا  تھاکہ ایران کے ساتھ تجارت کرنے والا کوئی بھی ملک امریکہ کے ساتھ تمام تجارتی لین دین پر 25 فیصد محصول کا سامنا کرے گا۔

وائٹ ہاؤس کی ویب سائٹ پر اس پالیسی کی کوئی سرکاری دستاویز موجود نہیں ہے۔ یہ  بھی واضح نہیں ہے کہ کس قانونی اختیار کے تحت یہ محصولات عائد کیے جائیں گے اورکیا یہ  محصولات ایران کے تمام تجارتی شراکت داروں پر لاگو ہوں گے؟

ایران برسوں سےسخت  امریکی پابندیوں کا سامنا کر رہا ہے۔ پابندیوں کے باوجود ایران، چین، متحدہ عرب امارات اور بھارت سمیت متعدد ممالک کے ساتھ تجارت جاری رکھے ہوئے ہے۔ مذکورہ ممالک ایران کی بڑی برآمداتی منڈیوں میں شمار ہوتے ہیں۔  کسٹم محصولات، ہدف بنائے گئے ممالک سے مال لانے والے امریکی اتحادیوں سے وصول کئے جاتے ہیں۔