میکسیکو کا طیارہ امریکہ میں گر کر تباہ ،5 افراد ہلاک

میکسیکن نیوی نے تصدیق کی ہے کہ اس کا ایک طیارہ امریکی ریاست ٹیکساس کے  علاقے گیل وسٹن کے قریب ایک طبی مشن کے ناکام ہونے کے بعد گر کر تباہ ہو گیا۔

پانچ افراد کی موت کی تصدیق ہو چکی ہے، جبکہ دو زخمی نہیں ہوئے جبکہ  ایک دیگر شخص ابھی تک لاپتہ ہے۔

نیوی کے مطابق، گزشتہ  روز کنگ ANX-1209    نامی یہ طیارہ ایک طبی مشن کے دوران گر گیا۔

یہ طیارہ چار نیوی افسران اور چار شہریوں کو لے کر  جا رہا تھا جو  غیر منافع بخش تنظیم میشو وائی ماؤ فاؤنڈیشن کی   سرپرستی میں  تھا۔

 مرنے والوں میں ایک نابالغ  مریض  بھی  شامل تھا جسے طبی علاج کے لیے منتقل کیا جا رہا تھا۔

ایکس پر جاری کردہ ایک بیان میں، میکسیکو کی وزارت خارجہ نے ہلاکتوں پر تعزیت کا اظہار کیا اور کہا کہ اس نے میکسیکو کے قونصل جنرل کے ذریعے ہیوسٹن میں مقامی حکام سے رابطہ کیا ہے تاکہ متاثرین کے خاندانوں کی مدد کی جا سکے۔

مقامی رپورٹس کے مطابق، طیارہ اترنے کی تیاری کر رہا تھا جب  یہ حادثہ پیش آیا۔

 یہ واقعہ  گہری  دھند کے دوران پیش آیا جس نے ٹیکساس کے کچھ حصوں کو اپنی لپیٹ میں لے لیا تھا۔