اسرائیلی سکیورٹی فورسز نے 25 اگست کو مقبوضہ مشرقی القدس میں واقع 'اونروا' کے قلندیہ تعلیمی مرکز پر چھاپہ مارا۔ 'اونروا'نے اپنے بیان میں کہا کہ کم از کم چار بکتر بند گاڑیاں، جن کے ساتھ 50 سے زائد اسرائیلی سکیورٹی اہلکار موجود تھے، اس عمارت میں داخل ہوئیں۔ بیان میں عالمی برادری سے "فوری اور فیصلہ کن" اقدام کرنے کا مطالبہ کرتے ہوئے کہا گیا کہ "اقوام متحدہ کی اجازت یا منظوری کے بغیر مسلح سکیورٹی فورسز کا اقوام متحدہ کے ادارے میں داخل ہونا  ناقابلِ قبول ہے۔"