مسمار کیے گئے گھر میں چھ افراد پر مشتمل ایک خاندان رہائش پذیر تھا، جبکہ دوسری عمارت مویشیوں کے باڑے کے طور پر استعمال کی جا رہی تھی۔
فلسطینیوں کا کہنا ہے کہ اسرائیل گھروں کی مسماری، زمینوں پر قبضے اور غیر قانونی بستیوں میں توسیع کے ذریعے مغربی کنارے کے باضابطہ الحاق کی راہ ہموار کر رہا ہے، جس سے متعلقہ اقوام متحدہ کی قراردادوں کے تحت ایک آزاد فلسطینی ریاست کے قیام کا امکان ختم ہو کر رہ جائے گا۔