برطانوی پولیس نے لندن کے 'ایڈج ویئر یونائیٹڈ سیناگوک' میں منعقدہ 'گریٹ اسرائیل رئیل اسٹیٹ ایونٹ' کے خلاف احتجاج کرنے والے ایک درجن سے زائد صیہونی مخالف یہودی مظاہرین کو حراست میں لے لیا ہے جہاں مقبوضہ مغربی کنارے میں غیر قانونی اسرائیلی بستیوں کی زمینیں فروخت کی جا رہی تھیں۔
مظاہرین کا کہنا تھا کہ پولیس نے پرامن احتجاج کے خلاف غیر متناسب طاقت کا استعمال کیا۔ گذشتہ ماہ نیویارک میں بھی اسی طرح کی ایک تقریب منعقد کی گئی تھی جس میں 'کفار الداد'، 'کارنی شومرون'اور دیگر غیر قانونی اسرائیلی بستیوں میں جائدادوں کی تشہیر کی گئی تھی۔