امریکی سینیٹر برنی سینڈرس کو، واشنگٹن ڈی سی کے قومی پریس کلب کی طرف سے منعقدہ عوامی تقریب دوران، فلسطین کے حامی دو مظاہرین کے احتجاج کا سامنا کرنا پڑ گیا۔
سینیٹر سینڈرس نے غزّہ اور لبنان میں استعمال کی خاطر دیئے جانے والے بموں اور مقبوضہ مغربی کنارے میں رہائشی مکانات کے انہدام میں استعمال کی خاطر دیئے جانے والے بلڈوزروں سمیت اسرائیل کے لئے منظور کی گئی تقریباً نصف بلین ڈالر مالیت کی عسکری امداد کو روکنے کے لئے کانگریس کو رائے شماری پر مجبور کیا تھا لیکن یہ کوشش اپریل 2026 میں کانگریس سے نامنظور ہو گئی تھی۔
اس کے باوجود مظاہرین اور فلسطین کے حامیوں نے، اسرائیل کے غزّہ پر مسلّط کردہ قتل عام کو "نسل کُشی" قرار دینے میں تقریباً دو سال لگانے اور عسکری امداد کی مخالفت کے باوجود بعض عسکری ایمونیشن کو اس دائرے سے باہر رکھنے کی وجہ سے، سینڈرس پر سخت تنقید کی ہے۔