دنیا
3 منٹ پڑھنے
نیٹو بحیرہ اسود میں حملوں کے بعد اپنی دفاعی پالیسیوں پر نظرِ ثانی کرے گا
بحیرہ اسود روس کے یوکرین میں جنگ کے ایک اور بڑھتے ہوئے محاذ میں تبدیل ہو گیا ہے۔  جو کہ  ناقابلِ قبول ہے۔
نیٹو بحیرہ اسود میں حملوں کے بعد اپنی دفاعی پالیسیوں پر نظرِ ثانی کرے گا
یورپی کمیشن کی صدر ارسلا وان ڈیر لین برسلز، بیلجیم میں نیٹو کے سیکرٹری جنرل مارک روٹے سے ہاتھ ملا رہی ہیں، 2 ستمبر 2026 (فائل فوٹو)۔ / Reuters

بلغاریہ کے بحیرہ اسود کے ساحل کے قریب دو جہاز حالیہ واقعہ میں نشانہ بنے ہیں تو نیٹو کے سربراہ مارک روٹے کا کہنا ہے کہ میثاق 'ضرورت کے مطابق' اپنی دفاعی تیاریوں میں تبدیلی کرے گا۔

روٹے نے بلغاریہ کے وزیرِ اعظم سے بات چیت کے بعد اپنے پیغام میں  کہا کہ "نیٹو بحیرہ اسود میں اپنے اتحادیوں کے ساتھ قریبی تعاون جاری رکھے گا۔ ہم پہلے ہی مشرقی محاذ کے ساتھ اپنی پوزیشن مضبوط کر چکے ہیں اور سکیورٹی ماحول کی نگرانی جاری رکھیں گے، ہم  اپنی مزاحمتی  اور دفاعی پوزیشن کو ضرورت کے مطابق مرتب  کرتے رہیں گے۔"

دریں اثنا، یورپی کمیشن کی صدر ارسولا فان ڈیر لیئن نے بلغاریہ کے ساحل کے قریب تجارتی جہازوں پر ڈرون حملوں کی 'شدید مذمت' کی۔

فان ڈیر لیئن نے منگل کو سوشل میڈیا پلیٹ فارم X پر  کہا کہ "بحیرہ اسود روس کے یوکرین میں جنگ کے ایک اور بڑھتے ہوئے محاذ میں تبدیل ہو گیا ہے۔  جو کہ  ناقابلِ قبول ہے۔"

انہوں نے کہا کہ بلغاریہ کے ساتھ یکجہتی کا اظہارکرتے ہوئے کہا کہ  یہ حملے عملے کے ارکان کو خطرے میں ڈالتے ہیں اور خطے کی سکیورٹی کے لیے خطرہ ہیں،  ذمہ داران کو  جوابدہ ٹھہرایا جانا چاہیے۔"

منگل کو  بلغاریہ کے وزیرِ اعظم رومن رادیف نے کہا کہ مالٹا پرچم بردار  چیلسیا-3 سے  رات گئے   ایک ایمرجنسی کال موصول ہوئی۔

اس کے عملے کے مطابق، اوڈیسا میں رجسٹرڈ اور یوکرین کے مالکانہ حقوق  کے حامل  اس  بحری جہاز کے ڈیک اور ارد گرد کے مقام کو تین فضائی ڈرونوں نے نشانہ بنایا۔

وزیرِ اعظم کے مطابق تمام 15 عملے کو — جن میں سات یوکرینی اور آٹھ آذربائیجانی شامل تھے — محفوظ طریقے سے ورنا بندرگاہ تک پہنچایا گیا، جن میں سے پانچ کو طبی امداد دی گئی۔

رادیف نے کہا کہ بلغاریہ نے نیٹو اور یورپی یونین کے لیے اپنے نمائندوں کو آگاہ کر دیا ہے اور ڈرونز کے ماخذ کی تحقیق اور بحری و فضائی نگرانی کو مضبوط کرنے کے لیے بین الاقوامی  تعاون کا متلاشی  ہے۔

انہوں نے کہا کہ"ہمارے پاس کسی ایک فریق کو ذمہ دار ٹھہرانے کے لیے واضح اور قطعی شواہد موجود نہیں ہیں اور کہا کہ وہ بات چیت کے لیے روسی سفیر کو طلب کریں گے۔"

انہوں نے یہ بھی بتایا کہ ایک اور جہاز کو کراپیٹس سے 17 سمندری میل مشرق میں نشانہ بنایا گیا اور بعد ازاں وہ ڈوب گیا، جس میں سے ایک عملے کا رکن بچا لیا گیا۔

دریافت کیجیے
عالمی رہنماؤں کے سیاسی عزم  نے ایک مثبت امید پیدا کی ہے: اردوعان
ہم، اسرائیل کے ساتھ اسلحہ تجارت ختم کرنا چاہتے ہیں: اوبووِچ
تیل کی قیمتوں میں کمی کا رجحان برقرار
اسرائیلی دعوے "سراسر قیاس آرائی" ہیں: سینٹ کوم
سوڈان: شمالی دارفور سے 5 ہزار 275 افراد ہجرت کر گئے
میں، کیوبا کا معاملہ حل کرنا چاہتا ہوں: ٹرمپ
امریکہ: ٹرمپ اور شی، پوتن کے ساتھ جوہری تخفیفِ اسلحہ پر بات کر سکتے ہیں
ہرمز سے بلا اجازت جو جہاز گزرا ہماری زد میں ہوگا: پاسداران انقلاب
ہسپتالوں پر حملے جرم ہیں:غزہ وزارت صحت
پاکستان:دہشتگردوں کا گھات لگا کر پولیس پر حملہ،متعدد ہلاک و زخمی
ماحول عدم اعتماد کامگر مذکرات میں پیش رفت کا امکان ہے:زیلنسکی
ترک خواتین کی باسکٹ بال ٹیم نے مونٹی نیگرو کو شکست دے دی
امریکہ کسی مغالطے میں نہ رہے، اسے بھی نشانہ بنا سکتے ہیں:ایران
پاکستان: آنکھوں کے معائنے کے بعد عمران خان کو دوبارہ جیل منتقل کر دیا گیا
ٹی آر ٹی بین الاقوامی دستاویزی فلم ایوارڈ کے لیے درخواستوں کا آغاز ہو گیا