امریکی صدر ڈونلڈ ٹرمپ نے فیڈرل ریزرو کے چیئرمین جیروم پاول کو تنقید کا نشانہ بنایا اور ان کی کارکردگی پر سوال اٹھاتے ہوئے اشارہ دیا کہ ان کی  فیڈرل  بینک کی قیادت کی مدت جلد ختم ہو سکتی ہے۔

ٹرمپ نے وائٹ ہاؤس میں کانگریسی ریپبلکنز سے بات کرتے ہوئے کہا، "وہ اچھا کام نہیں کر رہے ہیں اور... وہ محض کچھ مدت  کے لیے وہاں ہوں گے، زیادہ دیر تک نہیں رہیں گے۔"

ٹرمپ نے پاول کو "سخت مزاج" اور "نادان" قرار دیتے ہوئے کہا کہ امریکہ کے پاس فیڈ کا ایک "خوفناک" سربراہ ہے۔

اپنی صدارت کے دوران، ٹرمپ نے عوامی طور پر اور بار بار پاول پر دباؤ ڈالا کہ وہ شرح سود میں کمی کریں۔ٹرمپ نے پاول کی مدت میں توسیع کے لیے بائیڈن کو مورد الزام ٹھہرایا۔

انہوں نے کہا، "میں شروع میں ان کے ساتھ بہت اچھا تھا... کیونکہ وہ شخص ذہین نہیں ہے۔ اسے وہاں نہیں ہونا چاہیے تھا۔ اور میں کسی حد تک اس کے لیے خود کو قصوروار سمجھتا ہوں، لیکن میں بائیڈن کو اس کی مدت میں توسیع دینے کے لیے قصوروار ٹھہراتا ہوں۔" ٹرمپ نے مزید کہا کہ انہیں سخت حیرانگی ہوئی جب  بائیڈن انتظامیہ نے   ان کے فرائض میں توسیع کر دی۔

انہوں نے مزید کہا، "مجھے لگتا ہے کہ انہوں نے ان کی مدت میں توسیع اس لیے کی کیونکہ وہ جانتے تھے کہ میں ان سے کتنی نفرت کرتا ہوں۔"

ٹرمپ نے، یورپی مرکزی بینک کے اقدامات کا حوالہ دیتے ہوئے، جس نے 2024 اور 2025 میں اپنی بنیادی شرح کو کئی بار کم کیا،   بارہا مطالبہ کیا کہ فیڈ شرح سود میں کمی کرے۔