امریکہ کے صدر ڈونلڈ ٹرمپ نے کہا ہے کہ جلد ہی، ایران کے اہم بنیادی ڈھانچے پر، مزید حملے ہو سکتے ہیں۔

ٹرمپ نے کل بروز جمعرات  اپنے سوشل میڈیا پلیٹ فارم' ٹروتھ سوشل' سے جاری کردہ بیان میں کہا ہے کہ "ہماری فوج، دنیا میں بے مثال ہے اور بہت بڑے فرق کے ساتھ طاقتور ترین فوج ہے۔ اور  ابھی اس نے ایران میں باقی ماندہ کو تباہ کرنا شروع نہیں کیا"۔

ٹرمپ نے مزید کہا ہے کہ "پُل اور اس کے بعد بجلی گھر! نئی حکومت کی قیادت جانتی ہے کہ کیا کرنا ہے، اور یہ کام جلد ہونا چاہیے!"

ٹرمپ نے یہ بیانات،  28 فروری کو اور  'آپریشن ایپک فیوری' کے نام سے شروع ہونے والےآپریشن کے بارے میں  اپنے اس قومی خطاب سے ایک دن بعد جاری کئے ہیں  ۔

خطاب کے دوران انہوں نے کہا ہے کہ"اگلے دو سے تین ہفتوں میں ہم انہیں نہایت درجہ سخت ضربیں لگائیں گے۔ہم ،انہیں پتھر کے دور میں واپس  دھکیل دیں  گے کہ جو ان کا اصل  ٹھکانہ ہے"۔

واضح رہے کہ مذکورہ بیانات سے قبل سو سے زائد بین الاقوامی  ماہرینِ قانون  ایک مشترکہ مراسلے کے ذریعے  خبردار کر چُکے ہیں کہ ایران پر امریکی حملے جنگی جرائم کے مترادف ہوسکتے ہیں۔