پولیس نے تصدیق کی ہے کہ شمالی ڈنمارک کے البورگ ہوائی اڈے پر پروازیں اس وقت معطل کردی گئیں جب ڈرون کو قریب دیکھا گیا۔

،"نورڈج لینڈز پولیس نے ایکس پر لکھا کہ  البورگ ہوائی اڈے کے قریب ڈرون دیکھے گئے ہیں  ، فضائی حدود بند ہے۔ پولیس موجود ہے اور مزید تفتیش کر رہی ہے ۔

پولیس نے بعد میں بتایا کہ شمالی جٹ لینڈ میں دیکھے گئے نامعلوم ڈرون اب البورگ ہوائی اڈے کی  فضائی حدود کے اوپر موجود نہیں تھے۔

یہ خلل ہفتے کے اوائل  میں کوپن ہیگن ہوائی اڈے پر اسی طرح کے واقعے کے بعد ہوا ہے ، جہاں ڈرون رپورٹس کے درمیان پروازیں روک دی گئی تھیں۔

ڈنمارک کی وزیر اعظم میٹ فریڈرکسن نے بعد میں کہا کہ وہ اس امکان سے انکار نہیں کر سکتی کہ وہاں دیکھے گئے ڈرون روس نے اڑائے تھے۔

ناروے  کے  اوسلو  ہوائی اڈے  نے بھی پیر کے روز ایک ڈرون کو قریب سے دیکھنے کے بعد اپنی فضائی حدود تین گھنٹے کے لیے بند کر دی تھی۔