روسی فضائی دفاعی افواج نے رات بھر   ماسکو کی طرف پرواز کرنے والے 37 ڈرونز کو ناکارہ بنا دیا۔

میئر سرگئی سوبیانین نے آدھی رات کے بعد جاری ایک بیان میں کہا کہ وزارتِ دفاع کی افواج نے ڈرونز کو کامیابی سے مار گرایا، ان ڈرونز کو یکے بعد دیگرے 10، 17 اور 10 کے گروپوں کی شکل میں گرایا گیا۔

سوبیانین نے بتایا کہ ہنگامی خدمات کے عملے کو ان مقامات پر روانہ کر دیا گیا ہے جہاں ملبہ گرا تھا۔

 حکام کی جانب سے حملے کے نتائج کے بارے میں تفصیلات فراہم نہ کیے جانے کے باعث یہ اب بھی واضح نہیں ہے کہ آیا ڈرونز کے ملبے سے کوئی جانی نقصان ہوا ہے یا کسی  تنصیب  کو نقصان پہنچا ہے۔

ڈرونز کے اس حملے کے حوالے سے یوکرین کی طرف سے کوئی باضابطہ بیان سامنے نہیں آیا ہے۔

روس-یوکرین جنگ میں حالیہ عرصے کے دوران طویل فاصلے تک مار کرنے والے ڈرونز اور میزائل حملوں میں تیزی آئی ہے