یورپی یونین میں مقیم تارکینِ وطن کی تعداد گزشتہ سال کے مقابلے میں 2،1 ملین اضافے کے ساتھ 2025 میں 64.2 ملین کی ریکارڈ حد تک پہنچ گئی ہے۔
برلن تحقیقی و تجزیاتی مرکز برائے مہاجرت کی بدھ کو شائع کردہ رپورٹ کے مطابق، یورو اسٹیٹ اور اقوامِ متحدہ کے ادارہ برائے مہاجرین کے اعداد و شمار کے حوالے سے یہ تعداد 2010 میں 40 ملین تھی۔
جرمنی، یورپی بلاک میں سب سے بڑی غیر ملکی شرح پیدائش رکھنے والا ملک ہے۔ یہاں تقریباً 18 ملین غیر ملکی مقیم ہیں جن کا 72 فیصد کام کرنےکی عمر میں ہے۔
اسپین کی غیر ملکی آبادی تقریباً 700,000 کے اضافے سے 9.5 ملین تک پہنچ گئی ہے۔ اس طرح حالیہ عرصے میں اسپین غیر ملکی آبادی میں تیزی سے آگے بڑھنے والا ملک بن گیا ہے۔
رپورٹ کے مرّتبین میں سے ٹوماسو فراٹینی نے کہا ہے کہ "یورپ میں جرمنی، مطلق اعداد و شمار کے لحاظ سے بھی اور اپنی آبادی کے تناسب کے حوالے سے بھی، مہاجرین کے لیے بنیادی منزل بنا رہے گا "۔
رپورٹ میں کہا گیا ہے کہ بلاک کے اندر ہجرت کے رجحان میں عدمِ مساوات پائی جاتی ہے اور لکسمبرگ، مالٹا اور جنوبی قبرصی یونانی انتظامیہ میں مقامی آبادی کے مقابلے میں مہاجرین کا حصہ زیادہ ہے۔
پناہ کی درخواستیں بھی مخصوص ممالک پر مرتکز ہو گئی ہیں۔ اسپین، اٹلی، فرانس اور جرمنی کُل درخواستوں کے تقریباً تین چوتھائی کا بوجھ اٹھا ئے ہوئے ہیں۔ جرمنی، 2،7 ملین کے ساتھ یورپی یونین میں سب سے زیادہ پناہ گزینوں کی میزبانی کرنے والا ملک ہے۔
