مقبوضہ مغربی کنارے میں بلدیاتی کونسلوں کے نمائندوں کے انتخاب کے لیے قائم تمام پولنگ اسٹیشن ہفتے کے روز مقامی وقت کے مطابق شام 7 بجے بند کر دیے گئے۔

انادولو ایجنسی (AA) کے نمائندے کے مطابق پولنگ ختم ہوتے ہی ووٹوں کی گنتی شروع کر دی گئی۔

فلسطین مرکزی الیکشن کمیشن نے جاری کردہ بیان میں کہا ہے کہ تمام پولنگ اسٹیشن وقت پر بند ہوئے اور صرف ان ووٹروں کو ووٹ ڈالنے کی اجازت دی گئی جو اس وقت پولنگ اسٹیشنوں کے اندر موجود تھے۔

کمیشن نے مزید کہا ہے کہ غزہ کے وسط میں واقع دیر البلح بلدیہ سمیت پورے مقبوضہ مغربی کنارے میں مقامی وقت کے مطابق شام 5 بجے تک ووٹنگ کا تناسب 40.62 فیصد تک پہنچ گیا تھا۔

کمیشن کے قبل ازیں جاری کردہ بیان کے مطابق دیر البلح کے پولنگ اسٹیشنوں کو مقامی وقت کے مطابق شام 6 بجے سے پہلے ہی بند کر دیا گیا تھا۔

ہفتے کے روز صبح سویرے، تقریباً 10 لاکھ 30 ہزار رائے دہندگان کے لیے 491 پولنگ مراکز اور 1,922 بیلٹ بکس صبح 7 بجے کھول دیئے گئے تھے۔ رائے دہندگان نے 183 بلدیاتی یونٹوں کے لیے اپنے نمائندوں کا انتخاب کیا۔

انتخابات میں دیر البلح سمیت 90 بلدیاتی کونسلیں شامل تھیں۔ دلدیاتی کونسلوں کے  لیے 3,773 امیدواروں نے اور 93 دیہی کونسلوں کے لیے 1,358 امیدواروں نے انتخابات لڑے۔

اسرائیلی حملوں کے بعد غزہ کے دیگر علاقوں کے مقابلے میں کم متاثر ہونے والے دیر البلح میں 22 سال بعد پہلی بار انتخابات منعقد ہوئےاور شہریوں نے ووٹ ڈالے۔