میکسیکو کی صدر کلاؤڈیا شینباؤم نے پیر کو کہا کہ طاقتور جالیسکو نیو جنریشن کارٹل کے لیڈر کی ہلاکت  ہونے والے  فوجی آپریشن میں امریکہ براہِ راست شامل نہیں تھا  اور اس نے حکومت کو صرف انٹیلی جنس فراہم کی۔

نیمیسیو اوسیگرا سیروانتس، جسے 'ایل مینچو' کے نام سے جانا جاتا تھا، اتوار کو میکسیکو کی ریاست جالیسکو کے میونسپلٹی ٹاپالپا کے جنگلی بلند پہاڑی علاقے میں میکسیکو کی فورسز کے ہاتھوں ہلاک ہو گیا تھا۔

شینباؤم نے کہا کہ اوسیگرا کو ختم کرنے کے لیے کیے گئے آپریشن سے قبل  کے مہینے میکسیکو کی سیکیورٹی اور انٹیلی جنس فورسز نے  بڑےاحتیاط سے منصوبہ بنایا اورحکومتِ امریکہ نے  محض اضافی انٹیلی جنس خدمات فراہم کیں۔

انہوں نے اس  کارروائی میں  امریکی کردار کے بارے میں دریافت کیے جانے پر کہا"تمام آپریشنز وفاقی فورسز نے انجام دیے اور آپریشن میں امریکی افواج  شامل نہیں تھیں۔  ہمارے درمیان  وسیع پیمانے پر معلومات کا تبادلہ ہوا تھا۔"

شینباؤم کی انتظامیہ نے کہا کہ مختلف حکومتوں اور اداروں — خاص طور پر امریکی نارتھرن کمانڈ اور انٹرپول — نے اوسیگرا کی گرفتاری میں انٹیلی جنس تعاون فراہم کی، لیکن کسی غیرملکی فوج نے ایل مینچو کی حکمرانی ختم کرنے والے اقدامات کی منصوبہ بندی یا اجرا میں کردار ادا نہیں کیا۔

انہوں نے مزید کہا"امریکہ کے ساتھ سمجھوتہ بنیادی طور پر انٹیلی جنس شیئرنگ پر مبنی ہے۔مگر پورا آپریشن، اس کی منصوبہ بندی سمیت، وفاقی فورسز کی ذمہ داری تھی۔"

سب سے زیادہ مطلوبہ مفرور  مجرمین میں سے ایک

میکسیکو کے سیکرٹری برائے قومی دفاع جنرل ریکارڈو ٹرویلا ٹریجو کے مطابق، حکام ایک رومانوی ساتھی سے رابطہ قائم کرنے میں کامیاب ہوئے، جس نے تصدیق کی کہ اوسیگرا 21 فروری کو جالیسکو کے  تپالپا علاقے میں روپوش  ہے۔

آپریشن کا ابتدائی مقصد اوسیگرا کو گرفتار کرنا تھا، لیکن جب اس کے حفاظتی اہلکاروں نے میکسیکو کی فورسز کے خلاف زور آور ردِعمل کا مظاہرہ کیا تو وہ اس دوران بری طرح زخمی ہو گیا۔

"اس کے پارٹنر، اس کے معاونین اور اس کے اندرونی حلقے سے متعلق تمام معلومات ہماری فوجی انٹیلی جنس سے آئیں۔ امریکہ کی جانب سے اضافی،  لیکن بہت اہم معلومات بھی فراہم کی گئیں، مگر جب یہ سب یکجا کر کے مناسب طریقے سے تجزیہ کیا گیا تو اس نے ہمیں اس کا صحیح مقام بتایا۔

مئی 2016 میں، امریکی محکمہ خارجہ نے باضابطہ طور پر ایل مینچو کو اپنی سب سے زیادہ مطلوبہ فراریوں کی فہرست میں شامل کیا، اور اسے ٹیکساس کے ویسٹرن ڈسٹرکٹ کی ایک عدالت نے منشیات کی اسمگلنگ اور منی لانڈرنگ سے متعلق الزامات کے تحت مطلوب قرار دیا تھا۔

دسمبر 2024 میں، امریکی حکومت نے اسے گرفتار کرانے والی معلومات پر 15 ملین ڈالر انعام کا اعلان کیا تھا۔

شدید ردِعمل

پیر کو، میکسیکو کی اٹارنی جنرل آفس نے عمر گارسیا ہارفچ، سیکرٹری برائے سیکیورٹی اینڈ سولِین پروٹیکشن، کے مطابق اس کے جسم کے فرانزک اور ڈی این اے تجزیے کے بعد اوسیگرا کی شناخت کی تصدیق کی۔

ہارفچ نے کہا"انہوں نے پہلے ہی اسے شناخت کر کے اس کی تصدیق کر دی ہے"

اوِسگیرا کی میکسیکو کی فورسز کے ہاتھوں ہلاکت کی خبر کے بعد ملک کے کئی علاقوں میں پرتشدد ردِعمل دیکھنے میں آیا۔ میکسیکو کی سیکیورٹی حکام کے مطابق 20 ریاستوں میں مجموعی طور پر 252 تک سڑکیں بند کرنے کی اطلاعات موصول ہوئیں، اور کاروباروں کو آگ لگانے اور حکام کے ساتھ جھڑپوں کی بھی رپورٹس آئیں۔

"ایل مینچو کو گرفتار کرنے کی کارروائی کے بعد کے بزدلانہ حملوں میں حکام کے خلاف 27 حملے ریکارڈ کیے گئے۔"

مجموعی طور پر حکام نے 34 مشتبہ کارٹل ممبران کی ہلاکتیں اور 70 دیگر کی گرفتاریوں کی اطلاع دی ہے۔ ادھر سیکیورٹی فورسز کو بھی نقصان اٹھانا پڑا، جن میں نیشنل گارڈ کے 25 ارکان اور ایک فوجی شامل ہیں۔

شینباؤم نے زور دیا کہ صورتحال اب مکمل طور پر کنٹرول میں ہے اور ملک میں مزید تشدد کے واقعات نہیں ہو رہے۔

انہوں نے کہا "یہ پُرامن ہے، یہ پر سکون ہے، اور سب سے اہم بات یہ ہے کہ ہم کام کر رہے ہیں۔ اگر آج کوئی صورتحال پیدا ہوتی ہے تو ایک کنٹرول اینڈ کمانڈ سینٹر موجود ہے اور تمام وفاقی فورسز مربوط ہیں۔ سب سے اہم بات یہ ہے کہ ہم جمہوریہ کے تمام ریاستوں کے ساتھ مربوط ہیں ۔