ایران کا ایک فوجی ہیلی کاپٹر آج بروز منگل صوبہ اصفہان کے علاقے 'دورچہ' میں گر گیا ہے۔ حادثے کے نتیجے میں چار افراد ہلاک ہو گئے ہیں۔

ایران کی نیم سرکاری خبر ایجنسی  'مہر 'کے مطابق ہیلی کاپٹر ایک سبزی  منڈی کے احاطے  میں  گرا ہے۔

خبر کے مطابق  حادثے کے وقت ہیلی کاپٹر تربیتی مشن پر تھا۔ حادثے میں  پائلٹ اور معاون پائلٹ اور  منڈی کے 2دکاندار ہلاک ہو گئے ہیں۔

تاحال حادثے کی وجہ کا باقاعدہ  اعلان نہیں کیا گیا ۔

واضح رہے کہ یہ ایران میں ایک ہفتے سے بھی کم عرصے میں دوسرا  فضائی حادثہ ہے۔ جمعرات کو ایران کے مغربی شہر ہمدان کے نزدیک بھی  ایک F-4 لڑاکا طیارہ گر کر تباہ ہو گیا تھا۔ حادثے میں طیارے کا  پائلٹ ہلاک ہو گیا تھا۔

ماضی میں بھی ایران میں  مہلک فضائی حادثات  پیش آتے رہے ہیں۔ ایران کو  طیاروں کے پُرزوں کی فراہمی پر مغربی پابندیوں  کی وجہ سے ملک اپنی سرکاری و تجارتی فضائی خدمات کے لیے پرانے ہیلی کاپٹروں اور ہوائی جہازوں پر انحصار کرتا  ہے۔