ترکیہ کے صدر رجب طیب اردوعان نے کہا  ہےکہ ترکیہ نے حقوقِ انسانی کے موضوع پر، خاص طور پر غزّہ، شام، صومالیہ اور لیبیا جیسے خون اور آنسووں میں ڈوبے علاقوں میں امن و انصاف پر مرکوز کوششوں کے ساتھ، دنیا بھر کے لیے ایک مثال قائم کر دی ہے۔

کل بروز پیر، دارالحکومت انقرہ کے صدارتی کمپلیکس میں منعقدہ معمول کے  کابینہ اجلاس کے بعدپریس کانفرنس  سے خطاب میں اردوعان نے کہا  ہےکہ خطے میں جاری تنازعات اس بات کے عکاس ہیں کہ  اقوامِ متحدہ کے، عالمگیر حقوقِ انسانی پر اور خاص طور پر  حقِ حیات پر مبنی، منشور کو  پامال کیا جا رہا ہے۔

انہوں نے کہا  ہےکہ گذشتہ دو سال کے دوران غزہ میں، پوری دنیا کی نظروں کے سامنے، اسرائیل کی طرف سے جاری جنگی جرائم اور نسل کشی اس منشور کی پامالی کی واضح ترین مثال ہیں۔

صدر رجب طیب اردوعان نے کہا ہے کہ "خطے میں جاری جنگوں  میں اقوامِ متحدہ کا عالمی منشور برائے حقوقِ انسانی   پیروں تلے روندا جا رہا ہے"۔